大埔一名大叔早前搬運雪櫃咁高的大件貨物，懷疑夾硬推上巴士後賴死拒絕落車，期間更發惡手指指鬧人。涉嫌違規的舉動被網民圍攻，有知情人士更大爆大叔的慘慘下場……詳情見下圖及下文：
搬大件貨物雪櫃咁高 大埔大叔硬上巴士賴死唔走 發惡手指指咁樣鬧人逐張睇↓↓↓↓
樓主：搞咁耐都唔會搭到巴士
樓主6月29日在facebook群組「大埔 TAI PO」上載短片和相片發帖，指「今日71S富善方向，搭的士都係30蚊咗右，阿叔你搞咁耐都唔會搭到巴士啦」。相中見到大叔帶著雪櫃咁高，以紙皮箱蓋著的大型貨物在車站候車，短片則是大叔上巴士後，在車頭司機位旁賴死的畫面。
在長約13秒的短片中，大叔正在與人對罵，邊鬧「影咩相啫！多X餘嘅你咁影相法，一陣差佬嚟到告X埋你添呀！」邊手指指，對方則反駁大叔「啱啦，影佢啱㗎啦」、「告吖告吖！睇下邊個告邊個！」，最終，大叔以「係呀」作回應後，便直勾勾盯著鏡頭無再說話；而大叔身旁當時正站有巴士公司職員。
相關閱讀：電動輪椅客「孭背囊式」巴士運貨 凌空「咁孭」兩大箱貨勁牙煙 被揭疑似販運一種藥
網民：雪櫃咁大過分咗
回應的網民對大叔視巴士如貨車，抬大件貨物乘搭的舉動都感到愕然，你一言我一言地批評：
•雪櫃咁大咁就過分咗啲；
•咁都得，下次叫佢搬埋張床上巴士喇；
•咁有力氣演說，不如自己拉去目的地好過；
•咁都得，有咗開頭就大把人咁做㗎啦！司機哥哥做得對；
•邊有可能咁大箱上巴士呀，做得裝修就call貨Van啦（叫客貨車）；
•佢除咗阻礙乘客，仲令車長開唔到車，減少咗車長能夠駕駛嘅時間！
有網民提出建設性提議
另有人建議「其實好心佢客客氣氣問下佢巴士佬得呀，唔得就其他方法啦，俾就人情唔俾嘅就道理。同埋醒少少唔好喺站頭搞啦，站長睇到一定唔俾，話晒站頭一定就跟本子辦事」。網民都好奇「想知結果」、「結局係點…？」，有似乎知情的網民回應指「趕咗佢落車喇」。
九巴71S線只於周日及公眾假期提供服務，循環往來大埔富善及廣福，路線如下：
富善邨總站 (TP967),新興花園 (TP382),廣福邨廣智樓 (TP383),廣福球場 (TP385),大埔墟站巴士總站 (TP935),大埔墟站巴士總站 (TP949),廣福街市 (TP551),宏福苑 (TP559),大埔墟站巴士總站 (TP935),大埔墟站巴士總站 (TP946),廣福球場 (TP322),林村河 (TP324),大埔中心第五期 (TP326)富善邨總站 (TP967)
根據九巴的「乘客須知」，乘客「嚴禁攜帶總體積超過十份一立方米、總重量超逾五公斤或含危險性或厭惡性之物件上車。該物件不得佔用座位及不得放置在巴士的通道或樓梯上」。
資料來源：Chi Hou Lee＠facebook
相關閱讀：50客拖篋上車塞爆巴士座位 乘客直擊巴士轉彎即出事：「有人受傷邊個負責？」↓↓↓↓
有網民直擊約50名遊客上機場巴士，行李太多竟推疊在座位上，而且以「層層疊」方式推放，結果巴士轉彎即出事，該網民怒斥：「有人受傷邊個人負責？」
該網民2024年底在社交平台Threads發布事件，對於有網民奇怪：「點解司機照開車？」她亦有交代細節如下↓↓↓↓
該女網民在本周一（23日）發帖，她表示，該架巴士由機場總站開車，當時一班約50名遊客「夾硬上車」，「仲要將啲篋放上嚟個座位上邊。」
她實拍現場情況，看到巴士上行李架已霸滿，而一大堆行李竟被塞進下層多個座位上，行李打橫以「層層疊」方式推放，並無繫上繩索等固定物。該網民表示：「我明佢地都好想上車，但咁樣放D行李疊晒係到其實係好危險。」
她直擊巴士開車不久即出事，「巴士一轉彎，已經有幾個篋跌左落黎。」她無奈地表示：「唔好話佢都係想上車，冇位都要咁放，有人受傷邊個人負責？」不少網民奇怪何以車長容許乘客這樣堆放行李，「點解司機照開車？」樓主回覆表示：「個司機都唔想俾佢哋上，係個站長係咁幫佢哋。」
同場加映：內地團50行李喼迫爆城巴 司機現場一招截龍網民勁讚↓↓↓↓
