有「借錢黨」騙徒懷疑由騙財變成明搶的賊人。一名港男日前在葵涌廣場對出，懷疑被借錢不遂的4名「遊客」跟蹤並當街從錢包強搶50元。事主友人在網上講述案件詳情，細節猖狂得嚇壞網民。詳情見下圖及下文：
「借錢黨」變搶錢賊 4「遊客」借錢不遂葵涌廣場對出疑強搶港男50元逐張睇↓↓↓↓
樓主：夾硬搶咗50蚊
樓主本月3日在社交平台Threads以「警世文」為題發帖，指「朋友啱啱5點左右喺葵廣遇到所謂遊客借錢，朋友喺條街大叫都比人搶。見到有街坊拍片，想求好心人如果有嘅話可唔可以sd（傳）比我。比人夾硬上手搶銀包搶咗50蚊，4個30-40（歲）東北口音，朋友係男嘅都比人搶」。
表明已報警的樓主在回應欄補充事情細節：
•直接銀包搶錢呢單嘢真係好癲；
•開頭話借錢，跟住我個friend（朋友）死都話冇啦，跟住一路跟住我個friend。我個friend冇為意，因為嗰個時段葵芳真係好多人。跟住係跟到佢去小巴站，咁我個friend排隊嘅，事前就諗住攞定銀包睇下有冇帶卡，跟住嗰4個男人喺後面講「你咪有錢囉」，直接喺佢銀包掹走$50，跟住跑走，我個friend反應唔切；
•朋友等緊車嘅時候攞銀包出嚟，跟住原來嗰4個男人本身就已經跟住佢行，朋友冇為意，因為嗰段時間葵芳真係好多人。跟住佢一拎個銀包出嚟，其中兩個男人就話「你咪有錢囉」，跟住另外兩個即刻掹走佢張$50；
•佢仲要係啱啱放學，仲要其實葵涌廣場呢個時段真係唔係少人。但係我朋友本身係男嘅，同埋佢都打開拳，比較大隻都，冇諗到佢會出事。4個圍1個男嘅；
•嗰4個真係走得太快，朋友都未load（加載）得切就已經出咗事；
•可能嗰時聽到我朋友傾緊電話係講廣東話。算啦，我哋都喺度講破財擋災，唔係唔係迷魂香，就當贏；
•求share（分享），朋友話當破財擋災，人冇事就當贏，希望咁多位都可以小心。
相關閱讀：「神棍黨」屯門周街指點迷津 寫幸運號碼念經後即收錢 網民爆行蹤：九龍呢3處都有
網民：同搶劫冇分別
網民了解細節後形容情況「咁樣同搶劫冇分別」、「去到搶咁嚴重！！之前都係偷！！」、「而家借錢黨都變搶錢黨，出街都要小心啲」。
還有不少人排隊在回應欄自爆類似經歷：
•我就收鋪都比人搶走咗份餅，話冇人拎就食埋；
•其實葵興石蔭都有，開頭以為問路，點知開口話肚餓，即走；
•之前我都遇過，我一般都係講英文扮傻聽唔明，或者話幫佢報警；
•最經典一次撳撳下錢有個人行埋來，成身爛衫問我借錢，嗰下嚇親……拎住盒肉話買完無錢，嗰下勁驚；
•上星期先喺荔枝角遇過，有位女士用普通話講微信支付用唔到，係都要我請佢食飯。好彩嗰時無拎銀包出嚟；
•我都有遇過，喺葵芳地鐵站隔籬嘅巴士站，4、5個人行過嚟話冇晒港幣，可唔可以請佢哋食飯。我當場答話冇錢，叫佢哋搵地鐵站職員幫手；
•幾年前試過有一次有個大陸女人問我話唱散紙，當下蠢咗冇為意⋯⋯做好心拎住啲散紙出嚟諗住同佢唱$100，點知俾佢勁快咁樣一手攞咗啲錢之後跑走咗⋯⋯ 嗰下呆咗幾秒唔識反應⋯⋯不過勁嬲囉。
資料來源：candy_lcy＠Threads
相關閱讀：機場疑現偷篋黨搵小童落手事主親述險被偷竊過程第一次遇到咁嘅事↓↓↓↓
有網民今年初從日本回港，在機場行李輸送帶前等篋時，行李險被一小童「誤取」，她的朋友其後發現該小童，疑似與一成年女子同行，而「佢哋根本唔係等篋」，懷疑有人利用小童伺機偷竊行李。
該網民在社交平台Threads發帖，講述當時的過程，其後亦有網民透露1月機場等行李時，行李亦曾險被偷走，詳情如下↓↓↓↓
