紅磡一間5星酒店昨日（17日）透過一個旅遊網上平台，以1折大特惠促銷自助餐，價格低至90元一位，結果掀起瘋搶落訂，懷疑罕有地出現嚴重超賣，引發大混亂，多名成功訂抬顧客突收到強制改期通知，有顧客本已成功訂枱今日（18日）食自助午餐，但到預訂時間，仍未知有無得食。
多名顧客在社交平台留言，炮轟有關旅遊平台及酒店涉嫌嚴重超賣，甚至「無限賣」，引發大混亂。有受影響顧客又不滿，多次致電，仍未能聯絡到平台或酒店的客服。
《星島頭條》正就事件向涉事酒店及旅遊平台查詢。
疑罕現嚴重超賣！紅磡5星酒店1折促銷掀「自助餐之亂」 多名顧客突被強迫改期 今日已訂枱仍未知有無得食↓↓↓↓
涉事的紅磡5星酒店於昨日（17日）中午12:00，透過一個旅遊網上平台，開售1折自助餐，價格分別為：自助午餐1折後$90（已包括原價加一服務費）；自助晚餐1折後$148（已包括原價加一服務費）。
由於優惠吸引，引發空前搶購，但多名成功訂到優惠的網民，昨晚起（17日）突然陸續收到平台的電郵，強制他們改期。
平台表示「真的很抱歉」，指「由於您預訂的場次超出可容納名額，為確保用餐品質與現場秩序」，須要顧客更改原定日期，而有關更改無需支付任何差額。
客戶須按優先次序，選定三個可能出席日期，亦可選擇取消訂單。
反應太熱烈 平台致歉承認：遠超過我們原先的預估數量
另有客戶收到的強制改期通知，平台解釋：「此次商品一經上架便獲得熱烈迴響，遠超過我們原先的預估數量」。
平台表示，曾「主動向餐廳爭取並額外購買更多座位」，但未能成功，因為「礙於場地實際座位有限，部分熱門日期仍不幸出現超過可接待人數的情況」。
平台在電郵中就造成顧客的「困擾與不便」，「深感歉意與愧疚」。
自助餐「無限賣」？中午開賣 晚上11點要求改期
受影響客戶紛紛在社交平台留言批評主辦方，容許有關自助餐嚴重超賣，有人甚至懷疑是「無限賣」，引發今次大混亂。
有人指，昨日中午12時開賣，但遲至晚上11時才收到要改期通知，令他們大失預算：「晏晝12點開賣，夜晚11點先彈個電郵出嚟話要改期。」「成件事勁on9買完又叫人改。」
有顧客在網上透露，已成功訂到今日（18日）中午的自助餐：「我覆咗佢，但係佢未覆我」，最後在預訂時間「就開始」前，仍未收到回覆，她最後表示：「我冇去，佢都未覆我，佢唔認數再算。」
受影響客戶：「真想知：有無人成功出席到食到」
有客戶指斥成功訂購又要被迫改期「同虛假宣傳無異」，「真想知有無人成功係可以出席到食到。」「真係好on9，酒店咁小家不如唔好搞啦……」
客戶又不滿無法聯絡到客服，令人無所適從：「個email send 唔到嫁會彈反email畀你，成件事係騙局，真係可以大家去消委會。」
「買咗聽晚1張1折，1張8折，依家msg唔覆，電話又唔聽，都唔知聽日點算。」
搶極都有原是伏？唔怪得12:00賣到12:30都仲有
有顧客直指開搶時買極都有，原來是中伏的警號：「……$90 lunch buffet，唔怪得12:00賣到12:30都仲有，原來超賣！」
有人對於今次出現罕見的嚴重超賣感詫異：「呢個網站賣自助餐個系統，運作咗咁多年，間酒店亦都唔係第一日，經呢啲網站賣自助餐，唔明點解會搞到咁？」
來源：dlomh83＠Threads、owen.fong21＠Threads、maggie_chan_mama＠Threads、jetsoeatplaybuy＠Threads
同場加映：港男自助餐「炫富」肉酸拎到盡 一次攞走3分1忌廉蛋糕 酒店即刻咁變陣 網民：怕咗你↓↓↓↓
