馮盈盈、鄺潔楹、洪天明、周吉佩及陳懿德等今日（16日）到電視城出席《大師兄Welcome Summer大激戰》記者會，活動上，馮盈盈與緋聞男友鄭衍峰毫不避忌，玩食西瓜遊戲後，馮盈盈仲幫男方抹咀及攬攬。
馮盈盈與鄭衍峰有默契
馮盈盈與鄭衍峰一起受訪，對於兩人之前影合照相當避忌，但今日就表現親暱，問兩人是否翻撻？馮盈盈即說：「梗係冇啦，我哋係朋友，頭先夾硬拖佢上去玩！」重申鄭衍峰本來不打算出來幫忙，「我同佢講我啱啱生日，當送份禮物，所以拖佢上去，贏咗多謝佢。（送個抱？）我哋係隊友，團隊精神，佢又好夠義氣。」鄭衍峰則指在節目中雖未有勝出，但默契就是六隊中最好，又指跟馮盈盈是好朋友關係，「係外界諗多咗。」
馮盈盈早前31歲生日，她於社交網上大晒性感相，她指特別找了一個女攝影師朋友幫忙，在自己最Fit的時候留倩影，又坦言做藝人必須嚴格管理身材，透露練出馬甲線和腹肌。對於她在帖中指「不再為他人而活」，馮盈盈表示希望未來以自己為中心，新方向是多一點自己想做的事，多專注在教育事業上。另外對於早前表示要約麥明詩見面，馮盈盈表示已約好了日子，「而家等約埋其他人一齊。」
鄭衍峰同馮盈盈疑似拍拖，後分手，再見亦是朋友。
馮盈盈玩遊戲好high，向鄭衍峰大叫。
馮盈盈黐實鄭衍峰！
馮盈盈攬實鄭衍峰！
馮盈盈（後排右二）等人到電視城出席《大師兄Welcome Summer大激戰》記者會。
食西瓜鬥大啖game，馮盈盈搵鄭衍峰上台幫手。
馮盈盈茫無頭緒。
馮盈盈不顧形象，玩得好投入！
鄭衍峰齋望馮盈盈……
鄭衍峰與馮盈盈受訪，承認是好朋友。
馮盈盈專注發展教育事業。
鄭衍峰重申同馮盈盈一直係好友關係。
馮盈盈話已經約咗麥明詩飯聚。
馮盈盈與緋聞男友鄭衍峰大方談關係。
對於有指鄭衍峰跟馮盈盈拍拖，男方表示︰「係外界諗多咗。」
馮盈盈指，她與麥明詩各自發展教育事業，對方著重嬰幼兒，而自己則針對中小學生情緒健康及生涯規劃，強調二人沒直接競爭。
馮盈盈、麥明詩因為合作《#後生仔傾吓偈》變成好友，兩人大半年冇見。
馮盈盈日前31歲生日，網上賣大包。
傳出馮盈盈秘戀「大隻主播」鄭衍峰。
