有港女在尖沙咀一間茶餐廳食飯，與一名目測80歲的伯伯搭抬，伯伯戴呔打扮斯文，叫了一枱食物，港女自言最令她「側目」的是：枱上除兩罐啤酒，還有樣「邪惡食物」，她不禁驚訝：「唔通呢個就係佢嘅養生之道？」
港女問准伯伯拍下現場照片，並於網上發布，高齡伯伯這一枱「令人側目」的養生餐，引發熱烈迴響，該養生餐餐單如下：
80歲伯伯茶記食「令人側目」養生餐 兩罐啤酒+兩隻ＸＸ 搭枱港女：忍唔住讚佢識食↓↓↓↓
女網民在「香港茶餐廳及美食關注組」FB專頁發帖表示，下午2時多在尖沙咀一間燒鵝茶餐廳食下午茶，「對面有一個目測起碼80歲，打扮斯文嘅伯伯，叫咗滿枱食物。」
樓主問准伯伯拍下現場照片，見枱上放了一碟燒味雙拼、一碟撈麵、兩罐啤酒及兩隻鹹蛋，樓主在帖文中表示：「除咗兩罐啤酒之外，最令我側目嘅就係整整兩隻鹹蛋，唔通呢個就係佢嘅養生之道？」
相中看到伯伯斟了一杯啤酒，正舉杯暢飲，而兩隻鹹蛋已開半邊，二分為四，樓主說：「我忍唔住讚佢識食。」
「佢一坐低啲姐姐就自動送上食物」
樓主又表示，該伯伯似為該茶餐廳的熟客，「聽到餐廳嘅姐姐叫佢做契爺」，而這一枱食物再加上兩罐啤酒和兩隻鹹蛋，亦相信是伯伯「每日嘅例牌」，因為「佢一坐低啲姐姐就自動送上食物」。
樓主估計伯伯「應該食得哂」全部食物，她一再強調「令我側目嘅唔喺食物嘅份量，係兩隻鹹蛋」。
網民：養生就是做自己喜歡，食自己喜愛
不少網民留言熱議這位伯伯的「啤酒+鹹蛋」的養生餐，有網民認同樓主指伯伯識食：「鹹蛋係用嚟餸啤酒」、「鹹蛋餸啤酒，好正㗎！」
不少網民對高齡伯伯的獨特養生飲食深有共鳴：「所謂養生，就是做自己喜歡，食自己喜愛，有啲人搵到好多錢，但唔捨得食，唔捨得著，咁就走咗，人在天堂，錢在銀行。」
「只要唔係犯法嘅嘢，享受人生，咁就真係養生之道，食又唔捨得食，使又唔捨得使，眼白白見住啲錢入棺材，咁就何必呢。」
食得是福？「偶然放縱吓有乜所謂？」
有網民認同這位80歲伯伯不戒口：「80歲後不需計較那些，高糖，高脂，高乜？有經濟能力的話喜歡吃乜就吃乜！」
「隊啤好過隊氧氣喉。」「冇病冇痛，偶然放縱吓有乜所謂啊？」
有網民認為伯伯現時狀態仍能「鹹蛋餸啤酒」是福氣：「難得80歲仲可以咁樣食，好多人去到80歲經已周身病痛，呢樣唔食得，嗰樣唔食得啦。」
有網民又留意到伯伯除「識飲識食」，還著裇衫打呔，儀式感滿滿：「識飲識食仲識打扮。」「令我懷念家父，佢以前就算九十歲，出街食餐飯都要著裇衫打呔，要整齊有儀式感。」
衞生署：長者應避免過量飲酒及進食高鹽食物
不過，有網民亦提醒啤酒和鹹蛋始終「對老人家唔係咁好」，適可而止，「吃得不要太過分。」
根據衞生署的資料，長者應避免過量飲酒，因為酒精可能影響肝臟功能、血壓、骨質健康，甚至增加跌倒風險。此外，酒精可能影響認知能力，加劇記憶力衰退。
另外，長者應避免食用高鹽食物，如鹹蛋，因為高鈉攝取可能導致高血壓及心血管疾病。此外，鹹蛋屬於加工食品，可能含有較高的防腐劑，對腎臟功能較弱的長者不利。
來源：Liliane Fung＠「香港茶餐廳及美食關注組」FB專頁
同場加映：旺角阿伯舉牌尋41年前邂逅少女 晒百字情書感動網民 當年因一事未有發展↓↓↓↓
