29歲女子4年前於交友App認識36歲男子並發展為性伴侶，3個月後不滿男方「食軟飯」而要求結束關係，男方疑聲稱持有內含女方「照片」及個人資料的USB，先後勒索她共13萬元。她最終向男方付款4.9萬元，亦在不情願下與他三度性交。涉案男子否認強姦、勒索、盗竊等9罪，案件今於高等法院續審。女事主報案前錄下兩人的電話對話，被告要求她付2萬元買回USB，提到USB內「咩相都有」，被告指她「唔嗲唔吊」，並稱有朋友欲出價6萬元購買USB，笑說：「可能我講到你太正啦」。
被告黎逸邦否認1項強姦罪、3項勒索罪、3項盗竊罪及2項以威脅手段促致他人作非法的性行為罪共9罪。黎否認曾於2021年10月18日至11月1日期間，先後3次勒索X交出5萬元、6萬元及2萬元，偷竊X共4.9萬元，2度威脅X在酒店與他發生非法性行為，並在酒店強姦X。
收下5萬元再性交後要求X再付2萬買USB
X以視象形式出庭作證，供稱她向黎支付近5萬元後，兩人在10月28日相約到百樂酒店，黎與X性交後仍不把USB給X，解釋他怕X收到USB後失蹤，要求X多陪他3個月，再建議X給他6萬元作抵押，以免X失去聯絡。黎在11月1日又向X傳訊息提到他想把X的「照片」轉售予其朋友，要求X付2萬元買下該USB。
X解釋雖然黎與她性交時「行為上無夾硬嚟」，但「佢未俾兩樣野（USB及5萬元）我，我不想逆佢意」，X憶述黎曾問她「錢重要啲定係屋企人資料重要啲？」，又曾在她耳邊說出她其中一名朋友的英文譯音全名，問X「你同佢仲friend唔friend？」X認為被告是在提醒她，他手上有其親友資料。
錄音顯示雙方就買回USB銀碼討價還價
控方在庭上播放黎與X的部分通話錄音，黎有時「潛水」數日，有時不滿X不回覆訊息。黎提及「我俾錢買番嚟嘅個USB」，「個USB我3萬幾買返嚟」，X問黎「你意思係你要我俾錢買番隻USB？」，黎則回應：「我唔係⋯⋯隻USB對我來講，可以有用，可以無用，我都唔知自己想點」，X即稱：「所以即係你要錢啦」，黎卻一直否認，並要求X「自己開價」，又向X指「不如你自己買返啦好無呀」、「我耳仔傾得耐電話會唔舒服」。
X提醒說她已給了5萬元予黎，黎稱：「我唔係攞⋯⋯唉！算啦！都係唔賣啦！」。當X開價$1000時，黎發出恥笑聲並說：「不如象徵式$1？」X無奈地說：「你叫我offer，其實你心目中都有個數啦⋯⋯」，黎遂開價2萬元。X問黎可否在她已付的5萬元中扣款時，黎必定要X另付他2萬元，又指「如果兩萬都唔得，咁就算啦」，又笑稱：「你要我要嘔番3萬俾你，再加隻USB？」
黎提到USB內有X中學、大學、家人、工作地方等資料，亦有X的「相片」，X問「咩相呀？」，黎稱：「咩相都有啦」，X再問「關唔關你叫我留意連登成人台事？」黎不耐煩地說：「我唔知呀， 你自己諗啦」，「我唔想再搞咁多嘢啦」，「我都俾隻USB搞到痴線」，「我想快啲完呀」。
被告稱船主朋友欲買下USB
黎其後向X傳訊息指，他有一名船主朋友對她感興趣，「想玩同房互換」，又指「可能我講到你太正啦」，船主朋友更想買該USB，又知道X的聯絡資料。黎又稱：「（USB）啲嘢留係我度都無用，佢個價錢係吸引嘅，你又唔嗲唔吊」，黎指船主朋友欲出資6萬元購入該USB，向X稱：「我個朋友癲咗，過咗2萬蚊俾我」，向X解釋其船主朋友「想要你啲資料，再利用資料control（控制）住你，要你隨傳隨到」。X反問：「即係好似你依家咁control我？」黎即否認：「我唔係（控制你）」。
X多次堅決表明：「我依家講明俾你知，我介意你將我嘅嘢賣俾佢」，又向黎稱「我係你嘅話我唔會起人底囉」，黎指是其船主朋友教他「起底」，X反駁：「唔係人哋要你做就要做嘅」，黎提高聲線指：「我好聲好氣同你傾喎，你咩態度姐」、「傾下都唔得咩？」、「你唔想知你啲資料係邊個度咩？」
被告稱不會收兩家錢賣USB：咁賤格嘅嘢我唔做
黎不斷指他想事件「快啲好好哋完」，X要求黎不要把USB賣給其船主朋友，X又指「我唔知個2萬點解唔可以係5萬度扣，我唔明有咩問題」，黎則稱該USB是他用3萬多元買回來，X遂要求黎在她已轉帳給他的5萬元中扣帳3.5萬元，給她1.5萬元及USB便可。黎質疑X只說對她有利的條件，嘆氣說：「算啦，咁我賣俾佢」。
X最終妥協，表明可以出價2萬元買回USB，黎便指他會退回他從船主朋友收到的2萬元予船主朋友，但要求X「你俾$2000訂我先好無呀？」。X不禁反問：「你與佢嘅錢銀交易，點解要我落訂呢？我連件貨睇都未睇過」，黎即稱：「唉！算啦！我賣俾我朋友啦」，X表明立場指：「你賣嘅話，我唔會俾2萬你」，黎力陳他不會就USB同時收取X及船主朋友的金錢，X即道：「你可以㗎」，黎即辯護：「咁賤格嘅嘢，我唔做㗎」。X把上述錄音儲存在USB後便到警署報案。
案件編號：HCCC10/2024
法庭記者：劉曉曦
