現年35歲的吳業坤（坤哥）向來熱愛日本文化，不單在2022年與日籍主播濱口愛子結婚，在2020年更開始學習學習空手道，考獲黑帶及經常參加不同賽事，更獲得香港空手道初級代表隊的資格，昨日（26日）吳業坤突然在IG發文並說：「估唔到我都可以講一聲：『我係香港運動員。』（兼職）」
吳業坤咬實牙關都打到完場
吳業坤去年曾首次參加「第十三回親善空手道選手權大會」奪得冠軍，當時亦有在IG發文說：「今日第一次參加組手比賽拎到冠軍好開心（人生對上一次拎冠軍好似係中五既推鉛球金牌）我會繼續努力！！！！多謝師傅既愛的鞭策！今次明白左，無論幾攰都好唔好展露出黎，咬實牙關都要打埋落去直至完場，歡迎一齊變得更強大。」
相關閱讀：34歲前TVB男星代表香港出戰全運會？宅男外形私下是空手道高手 首參賽即奪冠
吳業坤轉型成為運動員？
吳業坤三字頭仲有機會入港隊
入選香港空手道初級代表隊的吳業坤，日前首度披上港隊戰袍出戰男子組手84公斤以上級及男子團體組手項目，雖然首仗不敵越南選手，不過他依然無悔參賽，其後在IG撰長文講感受，他說：「有一日問師傅：『你估我三字頭仲有冇機會可以入到港隊呢？』除咗考黑帶我哋亦都向着呢個目標進發，上年年尾第一次打公開賽攞到成績，終於可以入到香港空手道初級代表隊。到今次烏茲別克舉辦嘅AKF 有選拔賽，師傅叫我去打多啲本地比賽攞多啲經驗，就膽粗粗去參加+84 個人男子組手選拔賽，而好彩地畀我合乎咗資格，雖然明知自己嘅水平未夠而大家都話呢個級別好有可能會受傷，但如果唔去唔知仲有冇機會可以代表香港出賽，所以決定再任性一次。」
吳業坤坐言起行讓自己任性一次
結果吳業坤坐言起行讓自己任性一次：「感謝各位大老比我唔錄歌住拍劇請假去咗9日。亦都多謝隨團教練同隊友嘅接納，今次去到見識到世界級嘅選手知道自己有幾渺小，雖然輸了但嗰種痛快是無可取代的，一日仲郁得我都會練得再好啲下次再打得好啲，估唔到我都可以講一聲：『我係香港運動員』（兼職）。上機番嚟嚕，拍左啲片慢慢剪講多啲（嗰兩張自拍是記錄自己無事）」吳業坤的媽媽亦有留言：「盡左力，賺到經驗，你好叻！加油！」吳業坤搞笑地說：「好彩你你生得個仔高大。」
相關閱讀：吳業坤日籍太太依足傳統跟夫姓︰將來BB改名比較難 雙喜臨門收薛家燕大利是
吳業坤愛情事業皆美滿：
吳業坤出道橫掃多個歌手獎項
入行15年的吳業坤憑《超級巨星2》入行，出道曾做不少閒角扮骰仔，在2015年簽約成為歌手，同年橫掃四台新人金獎，並於《2015年度叱咤樂壇流行榜頒獎典禮》以新力軍金獎身分首奪「我最喜愛的男歌手」，與及憑《原來她不夠愛我》奪得「叱咤樂壇我最喜愛的歌曲大獎」。2016年於紅館舉辦首個個人演唱會，並於《2016年度叱咤樂壇流行榜頒獎典禮》蟬聯「我最喜愛的男歌手」。在近日播出的《刑偵12》上，飾演張振朗次人格「阿賢」的吳業坤，在造型及演技上亦獲大量好評。吳業坤今次換上長髮造型、以西裝上陣演繹溫柔又知情的阿賢被網民大讚，演技沒有被視帝張振朗蓋過，更有網民笑指吳業坤結了婚後更加有型靚仔。除了扮演「似有還無」的次人格，還要扮演「刑凱」張振朗智慧與感性兼備的幕後軍師，二人雖然在多方面均抱對立立場， 但由於是由同一個人分裂出來，故亦有不少同步場面，絕對考驗二人默契。
