儲蓄，可以是聚沙成塔、滴水成河。有網民在網上由入門級開始，以日日儲$20起步，傳授「無痛儲錢大法」。有回應的港女更加在留言欄曬出自己的亮麗成績，豪言每月儲起一筆錢，15年後便剛剛當上了業主。詳情見下圖及下文：
網民教無痛儲錢大法逐張睇↓↓↓↓
樓主本月24日在社交平台Threads上載手持一疊鈔票的相片發帖，指「唔記得由幾時開始，起初每日儲廿蚊，因為銀包點都有，到後期每日儲$40，咁就（儲到）$3660，應該可以堅持到年尾」。
不少回應的網民原來也有採用「無痛儲錢大法」，有人上載厚過磚頭的大疊100元紙幣，留言「我嗰陣儲完400日就入咗落銀行」，並透露相中的大疊紅衫魚每紮100張。即每紮1萬元，4紮便是4萬大元。
這個百元磚頭方法獲樓主和應，稱「正常，我而家都係咁。儲到某個數達標就入落齋儲蓄嘅戶口」，並自爆「以前有個人真係咁教我，每日儲10蚊，1年儲到$3650，10年儲到$36520，100年儲到$366100蚊，仲問我係咪覺得儲錢好易呢」。
另有人上載相片證明「我就鍾意儲$50，儲夠一疊入落銀行（用個袋裝起係因為銀紙臭，唔想擺到個櫃臭），當旅行津貼」；同路人也留言「一向儲起綠色$50，唔覺唔覺會發現幾千蚊喺度」。
相關閱讀：夾心階層港媽盤點開支 月花$13.5萬呻壓力大 6大使費供樓居首 第二位竟是呢樣嘢
樓主：儲夠目標即存入銀行
在回應欄中，有港女更加曬出自家的亮麗成績，揚言「我冇乜恆心日日數住儲，所以每月一出糧，就儲$5000入去一個，只有去銀行用簿仔才能提$的戶口。之後才用餘下的$來過生活。儲咗15年後，我剛成為了業主」。
樓主分享經驗時則表示「鍾意現兜兜咁儲，每日睇住佢遞增，更加有動力去儲」，但回應的港女坦言「我冇乜自制能力，現兜兜有錢喺度，我會好容易用咗」。樓主於是教路，「所以一儲夠目標拿拿聲去搵食錢機，擺喺到唔覺唔覺真係會用」。
其他留言的網民也分享經驗和心得：
•我都會儲啲直版銀紙，唔捨得用，唔知算唔算怪癖
•我因為有目標而試過，一定得㗎，加油！
•數銀紙儲銀紙，係好開心嘅一件事
•我得1蚊都想放入銀行收息
有人則受到啟發，表明「等我試下」、「叻，每日$20真係唔覺唔覺」、「呢個習慣又唔錯喎，都可以學吓你先」、「係喎，呢個方法唔錯，日日20蚊，你會覺得唔難儲錢 」。不過有人卻掃興地稱「我細個係每日儲2蚊。儲了6個月，然後有一日覺得進度太慢，然後就放棄了」。
資料來源：dalaob84＠Threads
相關閱讀：存款離奇失蹤？！$12000經銀行存款機入數變無紀錄 港女：收據寫明收妥 苦追7日尋回銀行未解原因 金管局：要求銀行馬上跟進↓↓↓↓
有港女經銀行自助存款機入現金1萬2千元，存款機有發收據，收據「寫明收妥」，「收據有晒戶口號碼、櫃員機編號、收咗幾多現金」，結果事後發現存款失蹤，向銀行查詢竟獲告知「無任何插卡存款紀錄」，而且「所有戶口都無存款紀錄」。
女事主向銀行苦追7日，直至5月13日終尋回有關款項，她說，今早（13日）查數終於見到涉事銀行「畀翻錢我」，但有關銀行未有解釋存款離奇失蹤多日的原因。
金管局：已要求銀行馬上跟進
金管局發言人回覆《星島頭條》表示，金管局知悉事件，已經要求銀行馬上跟進，確保相關服務運作暢順並妥善處理客戶的查詢及個案。
涉事銀行發言人回覆《星島頭條》表示，本行早前收到個別客戶有關分行存款機的查詢，已即時對個別事件作出跟進。本行定期檢查各自助銀行服務，包括自動櫃員機、現金及支票存款機及現金存款機，確保運作暢順。詳情見下圖↓↓↓↓
