古惑「眼鏡賊」旺角出沒，疑似偷竊過程行雲流水快過打針，被天眼直擊到的手部動作極其細微，由單手除眼鏡到放入褲袋全程約10秒完事。
片中的「大的水男」以為神不知鬼不覺，精明的店主卻老早憑一怪異舉動而認定準備犯案，早已睇實，但因一原因被對方走甩。詳情見下圖及下文：
旺角「大的水男」疑偷黑超 過程快過打針10秒完事逐張睇↓↓↓↓
店主發現照鏡時眼神特別
涉事的眼鏡公司本月24日在其facebook專頁以「忍無可忍」為題，上載一段長約19秒的短片，講述懷疑眼鏡賊的犯案經過。
事發於前日（2025年5月24日）傍晚6時，現場為旺角信和中心。帖文形容片中「大的水男」為「偷眼鏡賊一名」，對方的「特徵是：年約50歲，約173cm高，頭頂頭髮比較稀疏」，當中還提到一項疑匪的「較明顯特徵」——「說話不清晰」。
帖文指出，「近期我哋店舖都被偷2次眼鏡，上次都無公開出來，今次店主忍無可忍要公開賊人。
今次賊人其實店主一早已經𥄫實佢，事關發現佢一個動作，就係照鏡時佢眼神唔係反望自己，而係反射望向店員位置，但因為當時有2組客人在購買同調較眼鏡，瞬間無望佢幾秒就被賊人有機可乘，佢事前亦搞咗一輪，前後都逗留了10分鍾，期間有同店主溝通。
客人一走時已即時去檢查架上貨品，即時已發現被偷去太陽眼鏡，隨即已翻查閉路電視確認客人盜竊」。
相關閱讀：機場疑現「偷篋黨」搵小童落手？事主親述險被偷竊過程：第一次遇到咁嘅事！
手持汽水疑單手疑犯案
「大的水男」犯案時穿恤衫牛仔褲，右手拿著一瓶膠樽裝汽水。短片甫一開始時已見戴著涉案贓物，同時伸手選購其他款式。「大的水男」接著除下黑超，鬼祟望一望畫面的右上角，再轉頭望向畫面左上角，同時，左手已悄悄地把眼鏡柄摺上，並掀起恤衫放入褲袋 。確定黑超袋袋平安後即轉身離開，全程沒有低頭視察。
有回應的網民直呼男子為「眼鏡賊」，有人形容其外形「賊眉鼠眼」，還有細心的網民看過天眼短片後，發現到片中男子在店內不時「眼望望」。
相關閱讀：上水母子被指港鐵站偷麵包 怒掟包斥送貨員誣衊：「你話啱食，你攞啊！」↓↓↓↓
上水港鐵站發生懷疑偷麵包衝突，一對母子被運送麵包的送貨員，指從貨盤內拿走一袋麵包，涉事母子則指斥送貨員誣衊：「你話啱食，你攞啊！」
事發在2024年12月30日下午約1時15分，港鐵站內一間連鎖麵包店的送貨員，與該對母子發生爭拗，目擊網民拍到當時情況如下↓↓↓↓
