精通舞蹈的杭州製造AI機械人，在春晚過後，紅極一時，最高峰是日租過萬人仔，點知熱潮過後，5月長假行程看淡，傳出泡沫爆破的新聞，即是租不出啦。原本二十幾萬人仔一台的AI機械人，可以靠出租就半個月回本，世界哪有咁大隻蛤 隨街跳？
早前我在太古城遇見過有位阿叔帶AI機械人逛商場，當時好熱鬧，尤其是小朋友，但機械人來來去去都係兩三下板斧，握握手好朋友，打個大觔斗，只此而已，機械人唔係咁玩 ，正確使用是經過訓練動作，到工廠生產流水線代替工人「打螺絲」，方為正路。
事實上，AI機械人的競爭好劇烈，馬斯克最近大膽預測，有望五年內推出AI機械人醫生，技術高過大國手，事關「人類執刀不夠精準，需要出動機械人代勞」。馬斯克話過2030年可以移民火星，看來得個講字，不過，今次會比較靠譜。醫學應用器材公司美敦力（Medtronic）的Hugo機械人，近來成功執行近一百四十宗的泌尿手術，「動刀部位包括前列腺、腎臟、膀胱等，手術成功率高達98.5%，超越85%的初期目標」，即是說Hugo可註冊行醫。此基礎之下，再過五年機械人醫術必然更精，不日甚至青出於藍。微軟創辦人比爾蓋茨也表示，AI醫生將徹底改變社會，未來不會再有醫生短缺。
我童年返鄉下病了，方圓百里無診所，家人請來「赤腳醫生」，記憶中，真係止得咳。
這一幕印象猶新，想不到，現在是赤腳機械人醫生了。
