闊別七年，楊丞琳在4日於香港亞洲國際博覽館Arena舉行「楊丞琳「LIKE A STAR」世界巡迴演唱會 香港站」，全場爆滿，氣氛非常熱鬧。早於下午時分，粉絲於亞博西大堂應援，設立打卡位外，更大派應援物令個唱變成大型Fans聚會，而唔少圈中好友如劉德華、容祖兒、Twins、張栢芝、王祖藍、李亞男夫婦等送上花籃祝賀，陳妍希更驚喜現身捧場。
楊丞琳演唱會舞台豪花數百萬
楊丞琳勁歌熱舞大唱《BAD LADY》，瞬間炒熱全場氣氛，她用廣東話向Fans打招呼：「香港嘅朋友有冇掛住我？好耐冇見！係咪好多人係其他地方飛嚟？我好掛住你哋。」她搞笑稱這晚的性感造型喺香港fans嘅bonus，不時與台下樂迷互動，當聽到讚她靚時，她說：「知道我唔似40歲，20歲吖嘛！講笑咋，隨着年紀嘅變化唱歌聲音都有改變，人生不同階段味道不一樣，今晚演唱會是彷彿重走自己青春一遍。」這晚楊丞琳演唱近四十多首歌曲，更不時向fans派心、飛吻，樂迷亦非常受落齊齊大合唱，而舞台更是機關重重，舞台的大屏幕配合多重投影畫面與特效，據悉就豪花了數百萬。
楊丞琳懷念工作夥伴
香港站演唱會楊丞琳不時換衫上台，不乏「Deep V」晚裝，「女人味」令觀眾眼前一亮。楊丞琳亦大唱廣東話《我們都是這樣長大》、《越難越愛》、《俏郎君》，一度感觸落淚：「香港有好多工作人員睇住我成長，其中一位去年離開咗，以前係佢教我拼音，咬字要準，教我唱廣東歌一定要標準。雖然我係廣東人，但係我嘅背景唔係成日講到，所以每次唱廣東歌都要下苦功。」演唱會於晚上近11時45分完結，楊丞琳向fans表達謝意：「我愛你哋，如果要坐交通工具嘅朋友，我也知道你愛我，回家好重要，因為有你哋，我《像是一顆星星》！」演唱會完美落幕。
