《螳螂捕蟬》屬香港編劇大師潘惠森作品，以港式語言節奏描寫最地道的香港小人物。2000年由黃秋生和謝君豪擔演，二人飾演兩位一南一北、雞同鴨講的殺手，秋生更憑「北越」一角贏得第十屆香港舞台劇獎「最佳男主角」。25年後，《螳螂捕蟬》回歸，不過秋生今次轉演流利中英夾雜的知識分子殺手，與扮演鄉下佬殺手的戲劇大師陳淑儀大鬥演技。雖然劇本與25年前一樣，但秋生表示與時並進，象徵性事情會修改或刪減。文：鄺芷瑩 圖：朱偉彥
不想演同一角色
今次轉演角色，秋生表示若再演同一角色會好易被以前的印象影響，但原來今次的角色好辛苦，「對白無邏輯先死呀！真係各有各講，佢有佢講、我有我講，但唔係真係可以各有各講，而要夾時間性、燈效同音響，要好精準，好似玩音樂咁！」秋生又指劇情好多動作，要走來走去又爬來爬去，對白多，形體動作也多，笑謂踎低起唔返身，雖然未見頭暈，但腰痛又撞傷膝蓋。
黃秋生再演《螳螂捕蟬》舞台劇，不過角色跟25年前完全不同。
雖然劇本與25年前一樣，但秋生表示與時並進，象徵性事情會修改或刪減。
秋生今次轉演流利中英夾雜的知識分子殺手。
戲劇大師陳淑儀扮演鄉下佬殺手
今次再合作，秋生笑言埋位時毋需討論太多。
兩人相識廿多年，台上鬥戲，台下鬥氣，秋生大爆陳淑儀一call的士電話就壞的笑料。
兩人合作無間默契十足。
秋生展示傷勢，話撞到「膝頭哥」的上五吋、下五吋，十分痛。
二人排練時非常認真，完全當正式來演。
黃秋生曾憑《螳螂捕蟬》的角色贏得第十屆香港舞台劇獎「最佳男主角」。
爆陳淑儀call的笑料
兩人合作無間默契十足，今次再合作，秋生笑言埋位時毋須討論太多，尤其這類劇本邏輯性不強，大家有共同戲劇語言。兩人相識廿多年，台上鬥戲，台下鬥氣，秋生大爆陳淑儀一call的士電話就壞的笑料，「call極call唔到話電話壞，於是我嚟call啦！call到時，佢就話個電話得啦！上到的士話畀現金我，我都唔好意思收！」陳淑儀即笑謂：「衰仔講兩年呀！」下次排戲會否再一齊搭的士，秋生笑說：「仲敢？一話畀錢，我都要睇吓自己有冇錢！」
