剛勇奪金像獎最佳男配角的朱栢康，立即有新搞作，他與男士服裝品牌合作拍攝白裇衫的產品廣告剛剛上線。朱栢康在廣告中大騷Fit爆身形，他為「演員路」不時操練，仲話︰「流過幾多汗，觀眾未必知，但我自己知道。背後有汗，有痛，有無數次重來。」
朱栢康搲贊助裇衫
雖然榮升金像獎男配得主，朱栢康就話自己冇「藝人包袱」，平時喜歡以簡約配搭示人：「因為拍戲就會有戲服啦，所以平時都好簡約，一件裇衫比人感覺斯文，有活力就可以，始終成長後都唔可以太求其，我試過有次做完運動突然要去試鏡見導演，本身得件背心、牛仔褲，好在車尾一直都有擺件裇衫傍身，咁就簡約得嚟唔失禮！」朱栢康笑言著衫自信都很重要，而家揀衫都有心得：「以前著衫真係好簡單，舒服至上，近年去多咗隆重場合，而家都識得因應不同場合擇啱嘅衫着，我發現『透氣快乾』嘅衫真係好重要，因為現場啲燈光都幾熱，自己又有啲緊張，但要扮晒型唔畀人知出汗，所以而家我會識揀著咩衫！」
問到拿奬後有甚麼慶祝活動，他說：「可能嚟緊會同啲朋友食吓飯慶祝，都要收拾心情投入劇組。攞獎後希望拍多啲廣告，多啲贊助吓啲裇衫，因為藝人買衫其實都花費好大㗎！」
剛奪金像獎「最佳男配角」的朱栢康，新搞作是拍攝白裇衫廣告。
廣告中的朱栢康滿有喜感。
朱栢康話車尾長期有恤衫「傍身」，隨時試鏡見導演。
日前（4月27日）金像獎，朱栢康擊敗古天樂、 伍允龍、盧鎮業 、秦沛，拿下「最佳男配角」殊榮，他擁抱 《破·地獄》導演陳茂賢不放。
出爐金像男配朱栢康：「演員路不知流過幾多汗！」，佢攞獎都係穿白裇衫！
金像獎上，朱栢康不停攬人與被攬。
朱栢康得獎後即受廣告商青睞。
衛詩雅成金像獎影后，朱栢康哭成淚人。
金像獎上，宣布衛詩雅成影后一刻，「哥哥」朱栢康抽泣。
