在巴士上打盹最擔心是「瞓過龍」，有女乘客近日便「擔心成真」，自爆在上層打瞌睡，最終被困車內的「巴士奇遇」。
樓主日前在社交平台Threads以「太荒謬了，一起身發現自己喺巴士俾人困住了」為題發帖，上載一段長約20秒巴士內空無一人的短片，講述被困車廂內的經過。詳情見下圖及下文：
女乘客疑「瞓過龍」困巴士內逐張睇↓↓↓↓
樓主：人生第一次，荒謬至極
短片在巴士下層車頭附近拍攝，樓主在旁白中表示「太荒謬了，我喺樓上度呢，瞓著咗呢，之後呢，之後，然之後個車長唔知啦，我而家俾人困咗喺架巴士度囉。人生第一次，荒謬至極！出面有個人，敲極佢，佢都聽唔到囉」。短片拍攝期間，不斷聽到樓主走動的腳步聲。
有網民認得現場可能是「藍灣半島巴士總站」，估計涉事的是106線。而網民對事件大感好奇，尤其是有相似經歷的過來人，其中有人查問：
•網民：你最後點樣落到車？ 我試過一次跟住又唔夠高撳門頂個掣，困咗好耐，跟住見到有路人行過，我揮手希望佢睇到我，但佢可能以為我係女鬼佢急步走咗。
樓主：最尾個車長返嚟返返工，佢見到我應該嚇親，以為我係「巴膠」（巴士迷）問我點樣上架車」。
•網民：喺佢角度出發，佢呢個猜想又有合理。但你等咗幾耐佢先出現呀？
•樓主：醒咗之後過咗大概1個鐘。
另有好心網民上載短片並留言「希望幫到你」，短片是乘客在巴士總站自行開關車門的經過；另有網民教路「車門頂有個掣，開完記得閂返佢。出面個掣喺車門側邊」、「前門 + 後門，上面有粒掣俾你撳」、「落車門上面有個掣可以撳，一撳就開門，我成日都瞓到無人知」。
有人則教路「響咹吧」、「巴士雖然停駛，但有冇可能去試下搵個巴士響咹掣呢？一響咹一定有人聽到㗎！再唔係咪用手機搵人求救囉！甚至報警囉～」。
相關閱讀：巴士上剪指甲車長開咪鬧 19字「金句」惹熱議 網民：車長經歷過？
女乘客疑「瞓過龍」困巴士內逐張睇↓↓↓↓
過來人趁機大談經歷
有網民形容樓主的「巴士奇遇」是「奇妙旅程」；還有人稱「高度懷疑你係瞓咗喺上層巴士嘅凳底，佢（車長）先會睇唔到你」。
另有不少過來人趁機大談自己的經歷：「我都試過瞓到總站被鎖」、「我試過返廠洗車先起身」、「我試過瞓到大埔廠㖭啊」、「我試過瞓到俾清潔姐姐叫醒」、「我細個讀書嗰陣都係咁！結果乘客好好心叫醒我」、「我都試過瞓過龍，到總站個司機輕輕拍醒我落車！」，其他留言↓↓↓↓
•我朋友元朗去上水，上車瞓著咗，瞓醒喺返元朗總站；
•我試過一次坐到總站，司機留返一對門，當時我仲大緊肚；
•試過，不過架車嗰陣開緊車，成車黑晒，之後行落去下層，叫巴士司機比我落車；
•試過有次瞓死咗，到總站有個好心哥哥拍拍我膊頭、望望我、默默地走咗。人間有愛啊；
•我都試過喺巴士瞓著咗唔知醒，被困住咗，最後自己發現前門上面有個開門掣，自己撳自己落車；
•我都試過瞓醒成車冇晒人，btw（順帶提一下）門上面有粒綠色掣，一㩒就會開門，㩒多次就會閂返；
•我都試過！個次我差啲瞓到返車廠，好彩就到之前我衝落樓梯司機先見到我，最後喺附近放低咗我先走到 。
資料來源：yhk.kadriye＠Threads
相關閱讀：港男巴士「世紀奇遇」竟獲車長派錢？一原因獲贈8倍車資惹熱議↓↓↓↓
有港男早前在社交平台聲稱搭巴士時，竟獲車長退還車資近8倍的錢，他以「世紀奇遇」形容這段經歷，車長派錢的原因惹來網民熱議。該港男2024年12月中下午約4時50分搭乘14號巴士，該巴士來往鯉魚門邨及中港碼頭，他在小紅書分享當時情況，如下：
