治癌標靶藥在港屬天價藥物，但在內地，同一藥物售價卻有驚人折讓，TVB節目《新聞透視》報道，一些重症港人因此北上，以平民價買天價藥續命，節目剖析了這些藥物，在內地廉售的原因。
《新聞透視》追蹤兩名港人北上買藥的情況，一位是56歲、第四期肺癌患者梁先生；另一位是36歲、患有罕見病「脊髓肌肉萎縮症」的黎以霖，兩人北上買藥的全過程如下：
直擊港人北上買藥續命 同一天價藥竟「平成咁」…↓↓↓↓
直擊港人北上買藥續命 同一天價藥物竟「平成咁」
56歲的港人梁先生，原本是一名貨車司機。
3年前，他被確診第4期肺癌。
他須自費標靶藥，控制病情。
他說，在公立醫院，藥費每月3萬6千元。
該藥效果顯著，他的癌指數「一路降」。
但是，自費兩年，已近耗盡積蓄。
他聽朋友建議，去年起，返內地睇醫生買藥。
每個月來回香港和內地，車程4小時。
在內地，同一款原廠標靶藥，他每月只須付4600元。
藥費只是本港公院，每月3萬6千元的7分之1。
梁先生說：「（內地求醫買藥）開端（闢）咗一條新嘅路，令到我哋病患者延長咗生命！」
「你喺香港嗰度（醫），你就好快花光（積蓄），一個打工仔有幾多錢啫！」
另一位北上買藥的港人，是36歲的黎以霖。
他患有罕見病「脊髓肌肉萎縮症」。
藥物在港，每月須自費20萬元（25歲以上患者無資助）。
內地已將該藥，納入國家醫保藥品目錄。
在內地，該藥遠較香港便宜。
每月只須人民幣1萬元，約是本港的20分之1。
半年前，以霖的母親決定用退休金，到深圳買藥。
她用輪椅推以霖，去深圳試藥。
長途跋涉，車程約兩小時。
現雖現曙光，但她擔心退休金，終有用完一日。
她說：「有朝一日我啲錢冇晒，佢真係冇錢食藥。」
何以一模一樣的原廠藥，在內地售價竟能遠遠低於本港？節目為此找了專家學者剖析。至於香港能否仿效內地，從而令一些天價藥物的價格降低？醫務衛生局為此作了回應：
同藥不同價？天價藥廉售原因是…香港能否仿效？醫務衛生局咁回應…↓↓↓↓
同藥不同價？天價藥廉售原因是…
2012年，香港大學在深圳開設醫院。
港大矯形及創傷外科學系臨床副教授杜啟峻，是先頭部隊之一。
他說：「國家真係過去十年做咗好多嘢，」
「由政策推動、疾病名冊推動，」
「同埋一啲藥物建設，一啲優惠啦，做咗真係好多！」
他說：「有部分標靶藥，喺內地嚟講係比較平。」
他解釋：「因為始終（內地）人口基數大，」
「所以藥廠嘅定價，就可能相對會平啲。」
2018年起，內地改由國家醫療保障局，統一與藥廠買藥。
並以納入醫保藥品目錄為誘因，要求廠商減藥價。
癌症資訊網慈善基金創辦人吳偉麟表示，過去一年，已陪伴200多個港人，北上買藥。
他希望，香港長遠可加入中央集體採購機制，而短期能讓部分藥物南下。
節目引述醫務衞生局回應，表示香港及內地屬不同關稅區，有各自的海關制度，無法參與內地統一藥物採購。
局方強調，會繼續探討如何支援醫療費用負擔沉重的嚴重疾病患者。
有病人組織在節目中指，過去一年，已陪同約200多名港人北上買藥，希望本港可檢討藥物採購機制。
癌症資訊網慈善基金創辦人吳偉麟表示：「中央集體採購，包括埋香港，我覺得可能係一個終極方案，咁有咩方法可以短期內實行呢？將部分藥物南下，而令到一啲香港嘅病人，唔需要長途跋涉返內地購買同一隻藥物呢？」
有學者則認為，特區政府應該主動跟藥廠商討，降低藥價吸引病人留港。
超簡單！港人北上睇醫生方法／流程／須知↓↓↓↓
港人北上睇醫生方法／流程／須知
內地大部分三甲醫院，採網上預約方式接診。
港人北上求醫，建議提前數日網上預約。
大灣區主要有3種網上掛號方式：
（1）健康160 app
健康160，可用香港手機號注冊，香港身份證、回鄉證或護照實名認證。
（2）醫院微信公衆號/小程序
在微信小程序，搜索想要就診的醫院名稱
進入所選醫院頁面，註冊該院的醫療賬戶。
港人需用内地手機號注冊
深圳大部分三甲醫院已支持用回鄉證、香港身份證、護照作實名認證
（3）各市衛生部門官方App或網站
大灣區城市衛生部門的App和官網可預約掛號。
例如，「健康深圳」App（深圳衛健委）、「健康東莞」App（東莞衛健局）等。
港人須用内地手機號注冊，並以回鄉證、護照實名認證。
節目引述醫務衛生局的數據，目前公立醫院有逾3萬名病人，使用自費藥物，當中有1300名為癌症患者。
這些自費藥物的病人，每年支出約17萬元至40萬元。約300名癌症病人，每年支出更超逾40萬元。
實測深圳廉價整牙！港牙醫拆解犯以下3大錯：可能臉癱！↓↓↓↓
實測深圳廉價整牙！港牙醫拆解犯以下三大錯：可能臉癱！
港人北上深圳睇牙漸成風氣，網上有不少人揚言「平靚正」。
港男「黑糯米」近日實拍到深圳一間牙科診所，實測植牙（種牙）、剝智慧齒及洗牙。
除他本人外，更帶同外父及外母，一同做實測。
這間深圳牙科診所，收費僅香港10分之1。
洗牙¥29（約港幣$31）；植牙¥1980（約港幣$2131）。
他們到達後，先做照CT等檢查。
原來在這診所首次照CT，是免費的。
而且，首次求診，他們由福田搭的士到來的交通費，可向診所報銷。
負責的牙醫，先查詢各人病歷。
牙醫拿著兩枝棉花棒，為外父即時檢查口腔。
其後再觀看X光片，講解可行治療方案。
檢查完畢，再由診所主管報價。
港男表示，報價沒有硬銷的情況。
牙科治療開始前，先量血壓和檢查血糖。
首先，港男剝兩隻智慧齒。
他右下智慧齒，牙腳尖有倒鈎，醫生沒有開刀下硬剝。
他表示，當時非常痛，最後成功剝下，但牙齒腳尖斷裂。
該牙醫表示，殘留的腳尖，會慢慢和牙骨融合，不建議取出。
港男說：「成個（剝牙）過程用咗15分鐘，解決咗我30幾年嘅煩惱。」
他評價說：「佢（牙醫）嘅手勢都OK喎，全程竟然唔使開刀，亦都唔使聯針。」
接著到港男外母，她今次先種3隻牙。
港男計時，種3隻牙，全程只用了36分鐘。
港男說：「點解咁快嘅？……大概7個字嘅時間，就種完三隻牙出返嚟喇。」
他說：「咁有效率嘅？乜種牙，可以快成咁嘅咩，我都係依家先知。」
港男外父因血糖超標，一星期後，再到診所種牙。
外父做治療時，全程量著血壓，又先消毒口腔。
他事後說，今次種牙，一次過打四條樁，「香港唔會咁做。」
港男展示「成棚牙」，指¥29洗牙，「洗得好乾淨。」
外父外母的植牙效果，因要長時間才見真章，他承諾「一年之後會再出片分享結果」。
最後埋單，3人共付款¥43,860（約港幣$47,209）
金額具體明細：港男剝智慧齒：¥2,380（約港幣$2,561）;其外父植8隻牙：¥25,220（約港幣$27,145）;其外母植6隻牙：¥16,260（約港幣$17,501）
他強調絶非廣告，4萬多元是自己「真金白銀俾錢」。
拆解深圳整牙，港牙醫指過程疑有三大錯：
港男實測片曝光後，3名未有透露姓名的本港牙醫，留言詳細拆解當中問題，指有三大錯：
（1）牙醫感染控制意識薄弱
港牙醫指：「（該深圳牙科診所）衛生情況，係全部嘢都包晒焗袋，」
「但佢（該深圳牙醫）手套都唔戴，工具都唔攞就幫你哋檢查，」
「而幫你剝牙嗰個醫生，連手套都無戴就郁盞牙櫈燈，」
「轉過頭就用手套掂返同一位置，再幫你做手術…」
「可想而知，背後佢哋infection control（感染控制）嘅意識，都仲係薄弱。」
（2）無開刀剝智慧齒，隨時臉癱
港牙醫指：「（港男）右下智慧牙腳尖有倒鈎，仲咁近神經線，」
「佢地（該深圳牙醫）竟然唔開刀，就同你直接夾硬剝，腳尖當然會斷！」
「神經線無受影響，無臉癱真係已經好彩。」「你條神經線冇斷都偷笑。」
「你（港男）既智齒咁近神經線，一定要切開隻牙拆件剝。」
「神經線受壓，就有機會出現臨時或永久性麻痺，你願意為平幾千蚊冒呢個風險？」
「佢（該深圳牙醫）解釋時，竟然話無所謂？？的確大部份情況腳尖斷裂，未必會引起問題，」
「但如果係肯正常開刀處理……好可能可以順利剝出成隻牙根，又避得開神經線創傷，無後顧之憂。」
（3）種牙位置角度不理想，令植體有牙周病風險
港牙醫指：「（港男）外母六枝植體，基本上位置角度都唔係理想，會影響日後清潔。」
「種牙唔係一了百了，植體亦會有牙周病風險，而且會比真牙更加難處理。」
「只係初期完成一般唔會感覺有咩問題，但當清潔困難引發植體牙周炎……」
「到時就算想再種過，亦會因牙骨被嚴重破壞而好難再種。」
該港男其後回應港牙醫留言，表示：「咁驚，多謝你提醒。」
港牙醫分享 「執手尾」經歷
港牙醫又留言分享，「無數次」為北上整牙的公公婆婆「執手尾」的經歷。
他說：「……上去一兩次飲個茶、食個飯，就可能無咩所謂，但整牙咁緊要，真係要搏？」
「香港租貴人工貴，無可避免睇牙價錢，亦會較內地貴，」
「希望各位市民考慮清楚，健康係無價既，搞衰咗唔一定救得返。」
「例如，有缺失牙而經濟上又負擔唔到，寧願唔做/做活動假牙，」
「都唔好返內地夾硬做鑲緊/植牙，事後出事好難搞。」
「以往已經幫過無數個公公婆婆，要剝晒全口既牙齒，」
「就因為佢地唔識，走返大陸搭全口牙橋，」
「結果全部牙都累死晒，到最後逼住做全口活動假牙……已經返唔到轉頭。」
「自己都有兩三次北上消費……的確感覺佢地既服務態度，係真係好，」
「呢點係所有香港人，都真係要學習，包括本地診所醫生姑娘。」
理工大學專業及持續教育學院院長阮博文表示：「不如真的有一個特別的計劃，令到(藥價)平啲，或者係同內地嘅價錢比較接近啲，令到病人唔需要真係北上睇症，咁呢個對香港藥廠都係有益。」
節目引述醫務衞生局回應表示，香港及內地屬不同關稅區，有各自的海關制度，無法參與內地統一藥物採購，強調會繼續探討如何支援醫療費用負擔沉重的嚴重疾病患者。
