顏國樑逝世丨鄧英敏原定今日往醫院探望 昨晚已收通知揭顏國樑太太表現堅強

 顏國樑今日（26日）驚傳離世，享年71歲。顏國樑2022年自揭患上第三期鱗狀細胞癌導致聲帶失去低音，接受化療及免疫治療，情況一度好轉。鄧英敏與顏國樑交情要好，鄧英敏接受《星島頭條》訪問時透露，昨晚約11時收到顏國樑太太霍潔貞告知顏國樑在醫院病逝消息。

相關閱讀：「陳積」顏國樑驚傳死訊！享年71歲 梁思浩貼合照：顏先生一路走好

顏國樑離世丨生前接受鄧英敏訪問：

顏國樑生前接受好友鄧英敏網上頻道《老友鬼鬼》訪問。

顏國樑自揭近年曾有痾血尿的情況，更被鄧英敏大爆以前長期飲酒，顏國樑都大方承認。

顏國樑2019年發現痾血尿。

顏國樑被發現膀胱出血，他指當時「整個膀胱被血浸住」，內窺鏡又找不到傷口，因此暫時未能做手術，醫生好友更對他說這種情況有8、9成機會是患癌。

顏國樑經私家醫院醫生轉介到公立醫院治療，要先將膀胱內的血排光才可看到傷口做手術。

排期做手術期間，顏國樑駁着尿袋出院，更如常去教太極，大約半個月後得悉沒有患癌，醫生告知他出血原因與基因有關。

顏國樑當時表示：「佢話膀胱出血8、9成係癌症，我係第10成。」鄧英敏都大讚因顏國樑做得好事多而幸運避過病魔，當時顏國樑亦點頭表示同意，更雙手合十感謝上天。

但一年後顏國樑再現身竟患上「鱗狀細胞癌」，有網民回看舊片，都到留言區祝他早日康復。

顏國樑在1969年至1970年於香港電台任職播音員，離開電台後曾轉投警隊擔任警員，其後投入演藝工作，在無綫電視最長壽的處境喜劇《香港81至香港86》系列中，飾演蠱惑又勢利的經紀「陳積」大獲好評。

顏國樑話因為呢套劇，搞到啲人忘記咗佢本身係姓顏而唔係姓陳！

《季節》同鄧碧雲做母子。

同林建明扮演夫婦！

做過《歡樂今宵》。

《真情》都見到佢！

喺《真情》同楊英偉係好兄弟。

《十月初五的月光》中飾演「全海景」。

《皆大歡喜》都有份做。

顏國樑在2009年約滿離巢，轉行教太極，係趙堡太極拳第13代傳人。

之後移居國內，已甚少參與港劇演出。

顏國樑曾患上焦慮、驚恐同抑鬱症，幸好及時求醫，病情好快就緩和：「我當時要食藥同接受認知行為治療，直至痊癒為止，耍太極就係幫助身體健康、通血管、建立正能量。」

同太太（左）結婚多年依然好恩愛。

近年都有復出拍劇。

都有去ViuTV拍劇。

自從屙出血之後，顏國樑重新整理個人生活，戒酒改飲茶，變成茶癡，家中茶壺都有數十個，而且仲愈買愈多。

鄧英敏接受《星島頭條》訪問，透露：「係貞貞（顏國樑太太霍潔貞）傳訊息畀我，我問佢方唔方便講電話，我哋傾咗幾句，貞貞表現都好堅強，因為都唔係好突然，有晒心理準備。」鄧英敏透露，顏國樑在本月20日因呼吸困難入伊利沙伯醫院，昨晚約在10時半因為肺炎引致呼吸急速而離世。

鄧英敏原定今晚約了顏國樑見面：「原本今晚6點半，約咗網台個導演一齊去醫院探佢，估唔到遲咗一步，希望佢一路好走！家人節哀！」今日中午他都有再聯絡霍潔貞：「當然佢仲係未平伏到，我叫佢有咩需要就叫我哋幫手，佢都係藝進同學會師妹嚟，幫得到大家一定會幫。」 

鄧英敏自不時約顏國樑見面

鄧英敏自3年前在網台節目《老友鬼鬼》訪問過顏國樑後，兩人一直有保持聯絡，不時相約見面：「佢同太太喺上水開咗間寵物用品店，我本身又有養狗，間中去佢舖頭幫襯吓，順便探吓佢哋，之後就一齊去食飯，上次見就係兩、三個月前。」鄧英敏本來跟顏國樑約定一齊主持做網上節目，他說：「我同佢約好咗，等佢狀態好啲，我哋就拍啲片，一齊去周圍食嘢吹水，講飲講食，我仲搵定咗間燒味店同日本菜等佢一齊去拍。」

其他文章：

顏國樑傳逝世丨顏國樑上月曾現身節目稱身體OK 憶患癌昏迷險踏鬼門關獲太太做一事續命

顏國樑逝世丨69歲宣布結婚娶前藝員太太 一個原因拍拖多年未有註冊

顏國樑逝世丨2022現身台慶自揭患鱗狀細胞癌 公院留醫好無助 年初昏迷有幻覺

74歲顏國樑抗癌化療一度甩頭髮 北上被捕獲驚變白頭翁精神奕奕

顏國樑患鱗狀癌三期多次走出鬼門關 願做大體老師令生命更有意義

顏國樑去年受訪自爆長期飲酒致痾血尿幸沒患癌 自揭聲帶生瘤後網民湧舊片留言祝福

73歲顏國樑宣布將結婚 耗盡積蓄治癌取傷殘津貼感謝另一半照顧

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7