現年30歲的「Sa姨」羅詠怡（Kosa Law）2018年加入TVB，曾主持《#後生仔傾吓偈》，2020年宣布離巢，近年為ViuTV主持《長知昔》等節目，又與樂隊KOLOR合資開餐廳。羅詠怡今日凌晨於Threads分享昨日食麵的恐怖事，竟然突然有一個阿叔突然坐下吃她的麵，令她與朋友嚇到「呆咗好耐」。
相關閱讀：Kosa羅詠怡拍攝期間遭偷走整個手袋！ 唔見電話愁到爆最驚相片流出
「Sa姨」羅詠怡無端端搶麵？
羅詠怡今日凌晨在Threads貼出短片，並撰文講述一件在連鎖米線店遇到驚嚇事：「分享一吓今日個叔突然坐埋嚟食咗我碗麵😰」羅詠怡指當時與朋友坐在四人枱，當時對面的椅子並無人坐：「跟住佢一嘢坐低咗，塊面好紅，飲醉咗，個人怪怪的。」羅詠怡指當時阿叔以普通話問她：「給我錢，給我10塊錢吧。」羅詠怡禮貌回覆對方：「可以請你離開嗎？」
羅詠怡：唔敢惹佢
羅詠怡指當時阿叔亦立即站起，不過其後舉動令她相當震驚：「個呀叔就即刻起身，然後問都冇問，就拎起咗我杯（碗）食淨嘅麵去隔籬枱，𠽌𠽌聲清咗成碗，然後去隔離嗰張（枱）再做一次。」羅詠怡表示當時連員工也不敢出聲：「我第一時間係覺得好核突，畀個陌生人食我口水尾，然後員工都唔敢出嚟（不過合理嘅驚係人之常情），但我又好驚佢係『白卡』唔敢惹佢，好彩最後隔離枱叫經理出嚟趕佢走。」
羅詠怡去年唔見電話？
羅詠怡最後更表示：「佢走咗我哋都仲係呆咗好耐，因為都真係幾驚……」而羅詠怡貼出的片段則見到一名身穿灰衣、運動褲及拖鞋的短髮男子坐在她的隔籬枱，然後想伸手取鄰座的碗，旁邊則有店員跟他說：「不行，不行啊。」隨後灰衣男子轉身離開。
網民留言說：「咁識揀食靚女口水尾。」羅詠怡笑說：「佢真識食🤭，第一個就揀我。」其後有不少網民提到現在香港有不少類似人士出沒：「一街都傻佬，少啲招惹好。」、「發現而家多咗痴線佬😵」、「噚日我都遇到個呀叔，二話不說坐喺我隔離食人哋食剩既飯，佢一路食一路望住我食梗嗰碟又笑，然後我拿拿聲食完就還返個餐盤。」羅詠怡亦回覆說：「係呀而家咁多斬人又剩，唔敢得罪。」
其他文章：
TVB新晉小花婚照首曝光！透視高衩裙盡晒白滑長腿 年初宣布嫁型仔圈外男友
TVB前小花港鐵站做一事狂呻被收費$3.9被嘲離地 嫁人3年做少奶生活幾級跳愛晒名牌
前TVB長腿小花變富貴人妻 三歲囝囝暴風式成長 獲讚靚仔兼遺傳演藝天份
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
