翁靜晶剖析76歲何伯事件？推翻承繼並非易事《東張西望》訪問片是最好證據

2024-05-14 02:34:00

有「正義俠女」之稱的59歲翁靜晶早前開設YouTube頻道「危險人物2.0」，不時分享早年辦過的案件及所見所聞，昨日（13日）在開Live以「翁靜晶同你傾下城中熱話背後嘅法律問題｜直播」為題，以法律角度講解「好多人唔明點解何伯去銀行攞唔到錢，但佢個女又可以攞到？銀行係咪有措施保護老人家戶口？」

翁靜晶以法律角度講解76歲何伯事件：

翁靜晶有「佛門女俠」之稱。

翁靜晶淡出幕前後攻讀法律。

翁靜晶曾拆穿假和尚騙局，掀起一時熱話。

翁靜晶曾因揭發大埔定慧寺帳目混亂，以及住持釋智定的醜聞而被網民封正義俠女。

翁靜晶試過在《東張西望》踢爆假和尚。

翁靜晶稱自己已是退休狀態。

翁靜晶早年做過廣播節目《危險人物》主持及推出著作《危險人物》。

翁靜晶早前開YouTube頻道「危險人物2.0」。

以影片方式再談多宗陳年重案。

翁靜晶不時於社交平台開Live，分享早年辦過的案件及所見所聞。

翁靜晶曾以「李龍基王青霞欠債事件」為題開Live，以法律角度大談香港及美國西雅圖借錢追溯期、買博士學位及行使假文件等知識。

翁靜晶晒出自己的博士學歷證明，並寸爆某些人：「其實博士好容易買咋嘛，你如果有錢去告誹謗，不如買個學位返嚟，平過你去打誹謗啦，冇錢買咪好好哋讀囉。」

早前TVB節目《東張西望》因訪問發展忘年戀的何伯夫婦掀起全城熱話。

何伯指新何太在街市認識：「大家你眼望我眼，幾好」。

兩人結婚，何伯與子女關係決裂。

但面對批評，二人更齊心，何太表示：「當有個好人出嚟講句公道說話又畀人打擊咁，又鬧人哋係咪一夥，質疑佢係嗰個18歲嘅仔，又或者你係咪嗰個肥大陸婆呀！」

對於子女不支持他再婚，他表示：「我帶錯咗佢哋嚟呢個世界，點知佢哋個心咁，攞晒我啲錢走，想我死！根本想我死！」

翁靜晶昨日在YouTube節目以法律角度講解76歲何伯事件。

翁靜晶稱開聯名戶口要簽一張同意書，叫生還者條款。

翁靜晶稱如果去開聯名戶口，與長命契屬同一原則，如果有一個人離世，所有錢都係屬於另一個生還者。

翁靜晶提及何太好緊張「繼承」的字眼。

翁靜晶指何太「呢個人聰明反被聰明誤。」

何太在訪問中，不斷為「騙財」解畫。

何太更激動表示：「佢畀隻錶畀我話拎去當，我都唔要，我仲有錢，我頂得住！」

何太直言：「萬一我聽你話拎隻錶去當，仲畀你啲仔女騙子呃你錢。」

何伯與何太認為邪不能勝正！

翁靜晶以法律角度講解何伯極速再婚

翁靜晶在YouTube頻道的直播上，以法律角度講解近期《東張西望》報道的76歲何伯與年輕逾30歲的內地婦人極速再婚的故事，何伯更為何太與亡妻所生的5名子女反目，何伯細女更調走聯名戶口中的450萬元一事，翁靜晶坦言有留意這段報道，她用了相關案例助大家了解，翁靜晶說：「開聯名戶口要簽一張同意書，叫生還者條款，都係長命契嘅原則，如果有一個人唔喺度，所有都係屬於另一個生還者。去銀行開呢類戶口嘅時候，通常都會寫明，第一，如果你哋係單簽嘅，即係嗰個戶口嘅持有人，講明一個單簽就夠，如果其中一個唔喺度，另外一個係可以攞晒，呢個銀行戶口嘅錢就唔係遺產嘅一部份，嗰啲遺產承辦人同家人都冇得嚟攞。」

翁靜晶續說：「不過係咪有呢啲條款一有就唔可以推翻？其實又唔係，因為法官覺得呢啲條款通常寫得好細，又或者開戶口嗰陣，嗰個人唔係好明白，都可以去拗，但係有咗呢個條款，攞錢嘅人保障大好多。呢單CASE係個女攞走晒啲錢，即係唔關銀行嘅事，呢個都係一個比較叻嘅舉動，因為啲錢喺你手上，人哋要同你攞番都好難，攞走咗之後，邊個揸住就邊個惡，因為佢係根據佢嘅權益同條款而攞走晒，佢係攞得㗎嘛，呢樣嘢個女係冇做錯，亦都係合理合法。」

翁靜晶直播剖白何太激動插嘴原因

當日《東張》主持魏柏豪問到何伯當初為何與細女開聯名戶口，何伯曾說：「我都幾十歲，希望我走咗之後，佢可以繼承得到。」未有上鏡的何太在鏡頭後激動插嘴：「係處理得到，你唔好講承繼，唔係佢承繼呀嘛，你用詞用好啲，好唔好？」翁靜晶在直播上亦有提到此事：「你見到嗰個大媽，喺訪問好緊張，因為個爸爸話如果我有乜冬瓜豆腐，將來由個女去承繼方便啲，個大媽即刻話唔好亂咁講嘢，呢個唔係承繼，係處理，其實佢（大媽）都唔想人哋承繼，想自己承繼晒。」

翁靜晶還說：「如果爸爸去寫遺囑將所有嘢畀晒老婆，佢又去睇晒醫生，搵晒證明，證明佢神志係清醒再搵埋律師，呢張遺囑係成立喎，因為佢爸爸有權將所有嘢，通過遺產畀晒佢所有嘅人，甚至畀佢嘅工人姐姐都得，冇人可以阻止佢，因為所有人都有權分配自己嘅遺產，就算捐晒畀慈善機構都得，有啲外國人成立基金，將啲財產畀晒啲貓狗，只要搵律師或者信托人管理就得。」

翁靜晶覺得打官司女兒不一定會輸

不過如果何伯決定打官司，聲稱當時450萬不是送給女兒，只是由她管理，翁靜晶則覺得女兒不一定會輸：「如果係幫佢打嘅律師，《東張西望》條片係好有用，因為爸爸喺條片入面講，當時畀佢係方便承繼，都係諗住送畀佢，而法律上亦有一樣叫饋贈假定，呢個雖然已經係古法，喺好多外國地方都已經癈咗，但係喺香港係仲有，喺法律上假定，任何老公送畀老婆嘅嘢，錢又好禮物都好，喺法律上假定全部都係屬於禮物，爸爸送畀仔女嘅嘢，喺法律上都假定，但係老婆送畀老公就冇呢樣假定，所以阿伯嗰450萬係有呢個假定，好似父母畀錢啲仔女買樓結婚，都係有呢個假定，當然你都可以推翻，但係《東張西望》條片係幾好嘅證據，一定會拎番出嚟用，如果邊個代表個女。」

東張西望丨何伯老婆名牌價格驚人？

《東張西望》報道「何伯」與新婚妻「越難越愛」的愛情故事引起中港兩地網民熱烈討論。

何太當日一身名牌珠寶受訪。

何太受訪當日，一身打扮相當貴氣。

兩人定情信物是價值逾13萬元、超過2卡的鑽戒；價值10.3萬的勞力士腕錶。

何太亦戴珍珠頸鍊現身。

何太的Hermès罕有款喜馬拉雅Birkin，有錢都未必買到。

如果何太的Hermès手袋是真貨，價值隨時要過百萬元。

有網民於小紅書及連登討論區熱烈討論何太身上名牌是真是假。

何太的Hermès Birkin恐要百萬元？

有網民質疑是假貨。

有連登仔發帖問其他網民意見：「你哋覺得何太個鱷魚皮Hermès堅定流？」

網民留言。

有類似款都要逾60萬港元。

有網民於小紅書分享在日本中古店看到、聲稱是真貨的喜馬拉雅Birkin，指細節及質地都看來跟何太在《東張西望》受訪時用的不同。（網上圖片）

台灣時尚YouTube頻道「Kevin老師的時尚美妝頻道」曾介紹在中古店內的價格兌換港元都要1,354,660元。

亦有網民發現，何太還有其他疑似名牌手袋。

而何太當時手上戴的勞力士腕錶，經眼利網民對比，相信是Rolex Lady-Datejust系列。

據指正價為109,600元，有網民估計何伯於專櫃買的話有機會有95折，指何太連「零頭」都記得，非常精明。（網上圖片）

連澳門網民都加入戰團？

而翻查何太手上此系列勞力士腕錶，其實都有不少名人追捧。

早前Facebook不同群組都有網民分享被指是何伯夫婦於茶餐廳「撐枱腳」的照片。

有指照片攝於內地，亦有人指他們已經回港。

男方手上的手錶亦與何伯受訪時戴的手錶相似，因此不少網民都認定相中人就是何伯夫婦。

梁敏巧問到有甚麼是何伯送贈時，何太即拿出一對流星錘大的龍鳳鈪。

梁敏巧見到亦立即「嘩」一聲。

何太表示是何伯在今年情人節所贈的定情信物。

被問到幾重，何太說：「第一隻就1.8幾（両），加埋可能3両幾，接近4両。」

何太還甜絲絲說：「我覺得佢咁錫我真係好難得，從未有人咁樣為我使錢。」

但主持朱凱婷在節目尾聲表示：「新何太同我哋表示，佢已經將龍鳳鈪變賣，為了應付生活。」

翁靜晶分享了一樣最關鍵的事

翁靜晶亦分享了一樣最關鍵的事：「如果嗰450萬係爸爸同媽媽以前辛苦儲番嚟，理論上太太9年前去世嘅時候，如果係分家產，爸爸係可以分到媽媽嘅一半，另一半係分畀啲仔女，但係如果啲仔女冇分到家，然後將啲錢擺晒畀爸爸同個女嘅戶口，係幫大家去保管，呢段數又唔係咁計。因為媽媽走嘅時候，啲仔女都有個權益，如果打起官司上嚟，我覺得個女嘅機會係唔細。仲要計埋年紀嘅因素，阿伯今年都76歲，呢啲官司一拖，有冇10年時間去打呢？」

翁靜晶直指何太最錯係參與太多

最後翁靜晶更說：「大媽最錯係參與得好多，如果佢當時唔係跟埋去銀行，令銀行起疑，又或者伯伯當時係帶埋律師去做呢個動作，結果可能係變得好唔同，今次伯伯帶咗呢個可疑嘅人物去，提高咗銀行嘅警覺，咁咪攞唔到。呢個人聰明反被聰明誤，亦都為大家帶嚟唔好嘅印象，你見佢喺《東張西望》一出嚟嘅時候，就係炫耀伯伯送咗乜嘢畀佢，2卡鑽戒、頸鍊同勞力士表，呢啲都係唔好。又或者係想令大家有好印象，執靚啲，等啲人唔好睇唔起佢。」

其他文章：

李龍基未婚妻曾傳嫁美軍？翁靜晶揭奇怪細節：海軍陸戰隊制服唔係咁

翁靜晶剖釋李龍基未婚妻風波？法律角度談借錢行使假文件寸有人無錢買學位做菠蘿雞

東張西望丨何太突轉口風為應付生計已變賣流星錘龍鳳鈪網民質疑前言不對後語

東張西望丨疑似何伯子女公開宣戰拒養後母？「新何太」隔空反擊：錢一定拿回來

東張西望丨何太「情比金堅」愛情故事再受質疑被檔主大爆是心機女：只是虛情假意

東張西望丨街坊點睇何伯事件？媽媽級觀眾認定何太呃錢：你會唔會鍾意個阿伯大你30幾年

東張西望丨何伯自認清醒「邊個女人呃我，我一定睇得通」何太強調注重名聲：邪不能勝正

東張西望丨何太為珠寶名牌袋解畫！再晒何伯所贈10萬元流星錘龍鳳鈪梁敏巧睇到嘩嘩聲

東張西望丨網上瘋傳何太三大背景！疑三度結婚傳避走內地狂呻被抹黑

———————————

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF