39歲的張致恒（Steven）與區燕雯（雯雯）婚後常呻財困，網民都憂心他們4名兒子及3隻愛犬的生活。昨日（12日）母親節，雯雯在IG的限時動態發文，透露即將要行「最後一步」才可以重新生活。而張致恒於上週六（11日）凌晨開直播時，不少網民建議他跟吳浩康做地盤，甚至有網民問他可有興趣「賣籮柚」，對此張致恒極為無奈說：「唔做地盤就唔係男人咩！賣籮柚，我唔使喇！冇興趣！」
相關閱讀：張致恒老婆雯雯疑驗出腫瘤！心痛兒子再入急症：出賣自己都要保住個屋企
張致恒老婆雯雯談近況：
張致恒和雯雯被網民封為「離婚財困界KOL」！雯雯昨日藉母親節又在IG發文分享近況再度放負，更數臭老公張致恒，她在IG限時動態寫道：「搵晒工、問晒資料、安排晒，都可以咁多藉口唔去見，其實根本就係揀工，永遠都一堆廢話，解決自己點解冇錢，《廢》！」
之後雯雯再於IG的限時動態談及自己的苦况：「要在兩日內變大錢，除非中六合錢（彩），如果唔係，只有行最後一步，只有行到呢一步，就可以重新生活，加油！一定冇事，只有捱過一次，一切就解決。」接着她又表示：「為咗兒子和狗狗，我一定得，甚麼都不怕，只要唔係殺人放火，其實都係一個行業。」雯雯沒有透露做哪個行業及在兩日內怎樣掙大錢。
雯雯多次力數老公張致恒：
張致恒：唔做地盤唔係真男人咩！
雯雯曾透露，面對一家六口加三隻狗的開支每月平均三萬多元，身為一家之主的張致恒也大感頭痛，他於日前在IG開直播，許多網民提議他跟吳浩康做地盤賺錢，他卻堅拒地說：「我好想講一句：『唔做地盤就唔係男人咩！』，唔係份份工都做唔長，我係一直都有做part time，搵一份可以照顧到屋企嘅工，你哋唔好個個成日同我講跟阿邊個做地盤啦！做地盤就係真男人？做地盤就搵到食？做乜都搵到食啦！工一直都有，講真地盤而家都好多人失業，如果我有車牌，我揸咗Uber啦！」
張致恒表示自己一直都做緊廚房，他做過自助餐、茶餐廳，甚至樓面都有做過，「搵到食唔代表夠屋企開支，搵到食即係食到，你明唔明呀？屋企開支唔夠，冇辦法我先擺個QR Code出嚟去搵人幫手，飲食業一啲都唔辛苦。」
張致恒回應網民建議「賣籮柚」
有網民竟問張致恒part time賣籮柚可有興趣？張致恒平心靜氣回答：「多謝你，part time賣籮柚我唔使喇！冇興趣！」之後他又表示現正計劃想唱歌，「搵啲地方開啲二、三十人，收個費嘅，當然都要有人想聽先得嘅…唱歌只係其中一part嘢，因為要搵出路，當然唔係好多人覺得我唱歌好聽，唱歌走音…」有網民建議他練好首飲歌先出來唱，張致恒即說：「做人唔好個個都唔出街咩！」
張致恒直認對不起Kenny
其間有網民問到張致恒有否對不起Kenny（關智斌），他坦言：「點會覺得冇對唔住Kenny呀，對唔住大把人添呀！有需要再講咩，都五六年前，係咪先，我同Kenny仲有WhatsApp嘅…唔好話再開演唱會，搵到食已經好開心，我自己都冇呢個面去同佢開演唱會，亦都冇呢個面面對英皇上上下下啦！」
其他文章：
張致恒大仔5歲生日一家六口切蛋糕 語重心長寄語：唔好好似Daddy咁失敗
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
