一連兩場「《中年好聲音2》 隆重登場慈善演唱會」已經完滿落幕，古淖文、譚輝智、顏米羔、黃劍文、安雅希等18位中二生當晚落力演出，除了評審肥媽、周國豐、伍仲衡及張佳添、導師韋綺姍、林志美、谷婭溦、關心妍與囡囡等齊齊捧場，原來譚輝智的頭號fans拉姑狄波拉亦有捧場，而且更為偶像送上一份驚喜！
相關閱讀：《中年好聲音2》譚輝智變星媽殺手 影帝媽媽被迷倒每條片睇3、40次？
譚輝智頭號fans狄波拉見偶像變懷春少女？
狄波拉為譚輝智送上figures
18位中二生演出完「《中年好聲音2》 隆重登場慈善演唱會」後，齊齊出席慶功宴，在昨晚（18日）在《東張西望》播出的片段上，竟然見到譚輝智的頭號fans狄波拉，而且更準備了一個貌似譚輝智的figures。在訪問上，狄波拉被問為何視譚輝智為偶像時，她一副少女懷春樣子地說：「因為佢係輝智，冇得解釋。」在旁的譚輝智說：「好癲呀，真定假呀？」狄波拉一手拎着figures再說：「你睇呢個咪知囉，佢首首歌我都鍾意，得㗎喇，唔好再問。」狄波拉立即臉紅紅地，更不時用遮臉，少女味大爆發！譚輝智音立即替狄波拉解圍：「我都怕醜呀，所以我都唔敢相信。」
譚輝智家庭生活照：
狄波拉明言要做譚輝智歌迷會會長
資深傳媒人汪曼玲曾說過，原來狄波拉是譚輝智的忠粉，他的比賽唱歌的片段可以重覆睇30次以上，其後胡楓訪問譚輝智時，大爆狄波拉認識譚輝智之前，每次食飯都會談及譚輝智：「我特登講：『輝智有咩好呀？』個個都笑，我就望住佢表情點啦，結果佢都知道我講笑，都笑啦。」胡楓更稱狄波拉明言要做譚輝智歌迷會會長：「佢仲係一路打麻將，一路都要聽你嘅歌㗎！」譚輝智笑說：「我知呀，佢個個都有聽嘅。不過呢啲（歌迷會會長）係粗重嘢嚟，但係真係多謝佢，嗰次係去咗陳淑芳嘅生日宴會，知道佢有留意自己，我見到佢背後嗌我叫，我就心諗邊個，喺呢個場都會嗌我個名。一擰轉面，原來就係狄波拉，我哋成晚都傾偈，話好鍾意呢個節目。」
其他文章：
中年好聲音2丨甄妮批古淖文「油膩誇張精」 力撐譚輝智揭狄波拉都係Fans
中年好聲音２丨胡楓自揭與譚輝智有密切關係 爆狄波拉為偶像做一件事
中年好聲音2丨亞軍譚輝智結婚照罕曝光 索妻五官標緻婚紗Look飄仙氣
中年好聲音2 丨譚輝智太太罕現支持老公 一對仔女見證爸爸得獎有呢個反應
———————————
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
