![](https://media-proc.singtaousa.com/photo.php?s=https://media.singtaousa.com/wp-content/uploads/master/2024/04/2024041722585836025.jpg&f=jpeg&w=815&q=75)
談善言和駱振偉(Thor)首合作ViuTV新劇《打天下2》,延續「莊惠」一角的前者於拍攝初期已受傷,韌帶半月板撕裂要停工大半年休養,更因影響拍攝進度非常自責。另外,今季Thor演的二世祖新角色「Darwin」,會跟AK演的「志浩」爭奪「莊惠」,Thor更唔覺意洩漏劇情,兩男為爭女大打出手,AK更因太投入角色玩真力𠻹!採訪:杜杜 攝影:譚志光 髮型:Larry Ho@Aveda IL COLPO(阿談) 化妝:German Cheung(阿談) 服裝:MAX&Co.(阿談)、MELSIGN、432hz(Thor)
阿談欣賞Thor工作態度認真,首合作已好快熟絡,「佢做主持多,但喺現場有好多諗法,我都好surprise。」Thor表示一直恨跟阿談拍戲,「聽過佢好多嘢,渴望同佢合作,佢好有諗法,好認真,好enjoy對戲過程,佢好從容又好有direction,又接受你個direction,好開心咁玩每場戲。」被Thor狂讚的阿談連忙道謝。
![Thor飾演新角色「Darwin」,是個醉心MMA的二世祖。 Thor飾演新角色「Darwin」,是個醉心MMA的二世祖。](https://image.hkhl.hk/f/1024p0/0x0/lr/sthl/65d46eea5fce9fcec521b54984de94ae/2024-04/02_12.jpg)
![劇中Thor演阿談老闆。 劇中Thor演阿談老闆。](https://image.hkhl.hk/f/1024p0/0x0/lr/sthl/e40e79be39d846175e3d179b9e77cd7c/2024-04/20_2_3.jpg)
![「莊惠」今季將會不斷面對各種逆境。 「莊惠」今季將會不斷面對各種逆境。](https://image.hkhl.hk/f/1024p0/0x0/lr/sthl/9b2691a2f40b63ea85182548eef24daa/2024-04/17_0_5.jpg)
![「莊惠」今季將會不斷面對各種逆境。 「莊惠」今季將會不斷面對各種逆境。](https://image.hkhl.hk/f/1024p0/0x0/lr/sthl/f8d2be7e0a4840f9233cafc1ec8f8ecd/2024-04/19_0_6.jpg)
太攰影響狀態出事
阿談今季對打次數不及上季,但都屬大場面,包括她受傷的一幕,「嗰場大打戲棠哥(歐錦棠)一直好期待,牽涉好多嘢,一shot落又封晒路拍,我哋排好多次都冇事,roll機第一take就瀨嘢。」她懷疑太攰不在狀態出事,「嗰日收工過嚟直踩,動作要來回,呢邊打一次再轉身,再起跳嘅時候,身轉腳未轉,就扯斷咗。」由於開拍1個月屬製作初期,受傷令她份外自責,「我大部份戲都未拍,嗰場又未拍完,book晒伊館拍最尾ending,搵咗日本演員過嚟打,我傷咗所有嘢都要停拍,好擔心。」之後製作組先跳拍其他戲份,等她休息大半年再續拍,「再book多次伊館,再請武田(梨奈)過嚟同我對打,好彩日本演員又就到。」她笑言再拍時除了搵替身幫手,大家都好錫住她,「我唔避佢哋都會避,佢哋好驚我再整親,我想郁佢哋都叫唔好。」
拍打MMA戲難度好高
Thor飾演新角色「Darwin」,他形容是個醉心MMA,有理想的二世祖。繼《繩角》後再拍打戲,他稱兩者分別好大,「上次打classic boxing,今次就MMA,完全兩樣嘢,locking嗰啲我哋完全唔識,所以上次喺《繩角》學到嘅嘢完全冇關係。」他又慶幸今次再跟AK合作,因拍打戲默契好緊要,「靠大家嘅trust ,好彩我同AK打嘅途中唔係好多出錯,AK就無敵,佢練舞記step,主要係我嘅問題,好彩壓力驅使下還好,所有長鏡頭都係兩、三take,棠哥知道我哋去盡咗都收貨。」阿談大讚兩人拍擂台戲一shot落好厲害,「肢體協調同記性都要好好。」
![劇中Thor和AK為阿談大打出手,首次打MMA難度高。 劇中Thor和AK為阿談大打出手,首次打MMA難度高。](https://image.hkhl.hk/f/1024p0/0x0/lr/sthl/0a106d72180952a4619679daf32a219b/2024-04/01_0_23.jpg)
![劇中Thor和AK為阿談大打出手,首次打MMA難度高。 劇中Thor和AK為阿談大打出手,首次打MMA難度高。](https://image.hkhl.hk/f/1024p0/0x0/lr/sthl/cd4decc6a1c83dc2627f3539781250f7/2024-04/05_2_4.jpg)
![Thor最難忘跟著名武指元寶的對打戲,「好驚,好大壓力,好有趣經歷,可以同咁強勁嘅武指對打。」 Thor最難忘跟著名武指元寶的對打戲,「好驚,好大壓力,好有趣經歷,可以同咁強勁嘅武指對打。」](https://image.hkhl.hk/f/1024p0/0x0/lr/sthl/8c35e7c9b24ca67f9c6ace029b183789/2024-04/04_0_12.jpg)
事隔3年再演繹「莊惠」,阿談稱感覺不同,因今次要面對不同逆境,「再接觸返『莊惠』,佢真係唔討好,哈哈!有啲人嘅堅持會覺得好煩,但係又唔會想唔理佢,我就捉住佢對理想嘅堅持,一路做落去。」她又欣慰有班好伙伴,「慶幸着返件袍,紙皮道場嘅伙伴可以幫我recall返『莊惠』出嚟,港隊對手亦幫我投入返角色。」
![阿談承認對「莊惠」又愛又恨,笑言有時都覺得角色「好煩」。 阿談承認對「莊惠」又愛又恨,笑言有時都覺得角色「好煩」。](https://image.hkhl.hk/f/1024p0/0x0/lr/sthl/808867220050d09728b1038b78f95108/2024-04/16_2_8.jpg)
![阿談再跟歐錦棠合作,戲中的師徒情令她好感動。 阿談再跟歐錦棠合作,戲中的師徒情令她好感動。](https://image.hkhl.hk/f/1024p0/0x0/lr/sthl/5abcbc90e7882ee27681467c91f74697/2024-04/15_3_9.jpg)
![阿談讚再合作的AK更成熟踏實,「不斷想可以點樣做得更好。」 阿談讚再合作的AK更成熟踏實,「不斷想可以點樣做得更好。」](https://image.hkhl.hk/f/1024p0/0x0/lr/sthl/95926d9e3073d0905afe8efd9a1439f9/2024-04/10_3_19.jpg)
Thor妒忌又羨慕AK
上季AK演的「關志浩」對「莊惠」一往情深,告白被拒都冇放棄,追問今季兩人關係?Thor反應好大:「哎吔!我唔聽嘞!哈哈!」輕輕劇透的阿談說:「『志浩』係長情嘅人。」而Thor否認是第3者,但就爆料:「Food Buddies囉!哈哈!唔係,有啲瓜葛囉!不過係單方面!」阿談代「莊惠」向「志浩」大派定心丸,「莊惠都幾一意孤行,目標清晰。」「Darwin」條件咁好,會否令「莊惠」心動?阿談就答得好妙,「「莊惠」唔睇呢啲嘢,佢淨係得空手道。」問「Darwin」和情敵「志浩」關係?Thor不離搞笑本色,「單方面嘅憎恨,妒忌、羡慕、中年危機、多疑。」仲自爆兩男為女大打出手,「同佢(AK)嗰場大打有啲機緣巧合,未關呢個人(阿談)事,純粹武術上砌磋,拍其他反而瘀晒,我覺得AK加咗真力,哈哈!(投入咗角色感情?)係囉!因為你(阿談)呀!嗰度幾多石仔,我哋碌嚟碌去。」
![阿談讚再合作的AK更成熟踏實,「不斷想可以點樣做得更好。」 阿談讚再合作的AK更成熟踏實,「不斷想可以點樣做得更好。」](https://image.hkhl.hk/f/1024p0/0x0/lr/sthl/7789d75065296e6d98d368093febaa4f/2024-04/06_0_10.jpg)
![今季「志浩」會繼續力追「莊惠」。 今季「志浩」會繼續力追「莊惠」。](https://image.hkhl.hk/f/1024p0/0x0/lr/sthl/e49ad1e5a79fe2bef2c485bf47b71aa4/2024-04/11_6_8.jpg)
![今季「志浩」會繼續力追「莊惠」。 今季「志浩」會繼續力追「莊惠」。](https://image.hkhl.hk/f/1024p0/0x0/lr/sthl/52b2b88edcf4976729c15142e18334b2/2024-04/12_5_3.jpg)
![劇中Thor演阿談老闆,仲一齊慶祝生日。 劇中Thor演阿談老闆,仲一齊慶祝生日。](https://image.hkhl.hk/f/1024p0/0x0/lr/sthl/ea317f1265bcab2d4033c6ff16501f3a/2024-04/21_1_3.jpg)
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
《星島頭條》新網站有更多精彩內容:http://www.stheadline.com/