讀大學時，副修讀經濟學，非常實用，從此對涉及社會事務的一切，思考大大增加邏輯性，不會人云亦云，烏卜卜亂咁 。
其中最基本而終身受用不盡的，為供求理論。世間大部分事情全由供求決定，國與國、人與人，甚至市場上一切皆如此。
這正正解釋到，為何長實的港鐵黃竹坑站上蓋豪宅，願意「蝕本價」清貨。你估誠哥有錢唔賺？ 的嗎？正正係因佢 睇到供應排山倒海而需求不足，故執輸行頭慘過敗家，幾大搶在對手之前收割所有購買力。
近兩年不停有人問小弟：「喂，為乜唔換車，仍 住架年年要驗的『阿婆買 車』？唔配合你身份之餘，更浪費政府換車補貼 。」
我通常笑而不答， 氣也。
第一， 「阿婆買 車」不知幾過癮逍遙，從來唔怕畀賊仔偷，根本冇人要；第二，架車行得走得Trouble Free，為乜身痕走去換？
更重要，睇大勢，電動車肯定將會狂 價，平到你唔信。
這正正解釋到美國財長耶倫為乜「紆尊降貴」，走去北京講數，希望中國「唔好輸出咁多平 」（佢都 ，你美國車貴，叫我都鑑粗搞貴自己出品，減競爭力，有冇邏輯思維 ？）。尤其電動車，因成本價平美國平均六成，根本贏硬！
如今你話中國電動車平，我睇肯定會再平，因內地市場自己打餐死，而製造費用則隨著科技進步及可以大量生產，成本低處未算低。
越來越多車出產，當然要傾銷，歐美幾大用關稅頂住。第三世界則配套未足，難以大量引入，咁點？一定有不少湧來香港！
最近老友「班長和」買入一架國產電動七人車，一坐已知，歐美對手死得，因硬件更正而車價平一半。
