鄭梓浩興奮紅過舊時：好似炒翻熱啲凍菜自爆《中年2》Get錯伍仲衡訊息好失望丨獨家

2024-04-02 16:00:00

出身於「四大天王」年代的鄭梓浩(Brian)有「被遺忘歌手」的稱號，早前由新西蘭回流返港參加《中年好聲音2》翻hit，表現突出可惜11強止步，獲觀眾洗版式留言戥他不值。Brian表示心臟必須強大才能參賽，坦言被foul一刻極度迷茫，因為「生死時刻」收錯伍仲衡的signal以為有機，事實卻有落差。採訪：方騫平攝影：羅安強場地：半島酒店

55歲鄭梓浩Keep得好，一身型佬味。

喻為「被遺忘歌手」嘅鄭梓浩最近翻Hit。

他形容自己似炒熱咗啲凍菜。

最開心仲有人肯品嚐。

鄭梓浩仲有中年夢。

55歲鄭梓浩1991年成為新藝寶歌手，出過兩張唱片，其後事業不順，1996年舉家移居新西蘭開餐廳及經營髮型屋，多年來從冇放棄過唱歌。他唔轉彎抹角，直言參賽係人都想贏，被foul一刻絕不好受。

年輕時嘅Brian好鬼有型。

鄭梓浩1991年成為新藝寶歌手，曾出過兩張唱片。

「中2生」黃劍文、Brian、安雅希及劉威煌為TVB拍《隆重登場》MV。

跟「中一生」及「中二生」都玩得埋。

曾喺TVB節目中跟昔日戰友劉彩玉合唱。

伍sir事後冇安撫

Brian憶述「生死時刻」：「當評判退庭商議返嚟，鏡頭後伍Sir暗地裏畀咗個眼神我，仲做埋Relax口型，當下就盤算『咩意思呢？有事定冇事？』下意識梗係諗過到關啦，點知上一秒有期待；下一秒就出局…」Brian諗返起亦忍不住幽自己一默：「係我收錯signal，原來係叫我從此喺比賽中Relax呀！哈…賽後伍sir冇機會同我交談，亦冇聯絡過。不過，接受事實後有如釋重負感覺。」

Brian get錯伍sir發出的signal好失望。

Brian被foul一刻，戰友們都好唔捨得。

曾跟劉可入黑房後出去唞唞氣。

最後一次入黑房變得木無表情。

感激譚校長鼓勵

提到網民對他被foul後的反應較他更激動，Brian反過來安撫大家：「每個人心目中都有把尺，我會尊重評判決定，但賽果有時好難控制，唯一失望有好多歌未唱，尤其係《別人的歌》，呢首唱出當年做酒廊歌手時經歷，掌聲只屬於別人的歌。其實能夠行到今日算係賺咗，相比從前做歌手，𠵱家有更多人識得我，意想唔到碟菜攤凍咗，炒翻熱後都有啲人肯去品嚐。」他又感激譚詠麟(譚校長)、黎瑞恩及曹永廉等沿路鼓勵，校長話：「𠵱家都有大把工作，冇問題啦。」已成為TVB歌手的他期待終有一天有代表作及開到個唱，好似周吉佩咁做主持及拍埋廣告，笑言用僅有的「青春」來衝刺。

Brian有好多歌未唱。

𠵱家Brian嘅fans仲多過以前。

原來廣播劇《十八樓C座》「祥嫂」朱雪梅係Brian表姑媽。

鄭媽媽到場打氣。

仲有表姑媽「祥嫂」朱雪梅。

疫情期間Brian在上海為譚詠麟做形象設計。

黎瑞恩沿途打氣。

28歲時的Brian隨家人移居新西蘭展開新生活。

移民後不忘為TVB《華裔小姐新西蘭區決賽》做評判及為嘉賓陳法拉造型。

兩父子。

3兄弟為媽媽賀壽。

鄭梓浩已再簽約成為TVB歌手。

自豪做「雙健」代唱

相隔28年重返樂壇，Brian開心有幸能親證香港樂壇最輝煌的8、90年代，有唔少珍貴回憶及難忘片段：「做新人時簽到唱片公司已好好，作為新人工作量唔多，又唔想用太多屋企人嘅資金，故每次出席記者會，都要計算所得嘅酬勞，夠食快餐定油錢？不過，當年唱片業興旺，唱片公司好肯科水，宣傳人員手持公司信用卡合理地任碌，平日歌手豪飲豪食、買名牌服裝裝身、book車出入等都唔使還，多年來我至少使咗近百萬，仲試過落夜總會飲酒傾公事，不過，我好快就閃咗，絕對冇搵女陪。」另外，鄭梓浩又為同期出道嘅紅人鄭伊健及張衛健做幕後代唱，他自豪說：「有次做新人巡禮綵排，新人半月型圍圈，逐一上前唱兩句阿Lam嘅歌，當時佢哋企喺我兩旁，見我咁熟首歌就不約而同話『未練好呀，幫我頂住先！』所以我就做咗『雙健』化身，加埋自己唱足3次，嗰時我又冇介意喎，咁人哋咁忙咁紅未有時間練歌，佢哋又係我欣賞嘅藝人，不過佢哋應該唔會記得呢段小插曲喇，舉手之勞更加唔使感激我啦。」