現年76歲的秦煌因年前跌倒，需要依靠輪椅出入，日前秦煌自揭與四個子女關係疏離，獨居於青衣一間酒店。今日有傳媒報道指，秦煌因於酒店房內跌倒，未能站起，因而向前TVB監製關永忠，及鄰居林偉求助，今日被送往瑪嘉烈醫院接受治療，需要留醫觀察。
相關閱讀：75歲秦煌有愛情滋潤回春竟被寸？細30年情人找外人生女 仍視如己出變「慈父」
秦煌跌倒入院？
鄰居林偉前晚已收求救電話
林偉向傳媒透露，前晚已收到秦煌首次求救電話，秦煌向他表示「跌咗喺地下」，坐在地上未能站立。由於林偉當時不在港，因而致電酒店大堂求助，職員開門已見秦煌坐在地上，雙腳腫脹，職員扶他上床休息，豈料數小時後秦煌再度跌倒，他再致電酒店職員求助，當時秦煌始終不肯入院。
昨日林偉致電秦煌，但對方未有接聽，於是打算今午回港隨即上門拍拍，豈料中途已收到關永忠電話，指已為秦煌報警，將他送入院；而林偉亦買了紙巾、毛巾等到醫院探望秦煌。由於秦煌需要留院觀察，而院方需要聯絡家屬，秦煌才將其中一位女兒的電話，交給林偉聯絡，不過一直轉駁至留言信箱，至今仍未有回覆；林偉亦表示他與關永忠均是外人，很多事情未能夠決定。對於秦煌身體轉差，林偉直言「無辦法」，又指秦煌目前行動不便，經常一個人囚在房間內，無人與他傾偈。
秦煌入院仍叮囑林偉交租
林偉接受《星島頭條》訪問時表示今日回港後去醫院探過秦煌，見他精神不錯，但雙腳相當浮腫，見醫生為他檢查，按到小腿位置時他就嗌痛，而且老人家喺陌生醫院有啲避忌及緊張。林偉指：「佢不停叮囑我幫佢交酒店月租，話只係小住兩、三日就要走。我就安撫佢睇咗報告才決定，唔好白交租。」
林偉爆秦煌近年要用尿片
問到秦煌向來健康狀況？林偉坦言：「佢體重接近300磅肯定係一個『高人』啦，平時阿煌坐輪椅出入，行得又唔多，雙腳及腰部係會乏力，不過詳情有待醫生報告，𠵱家佢喺醫院都好，至少有醫護人員照顧，又不愁3餐，唔使餐餐食燒味飯咁唔健康。」林偉更表示因為秦煌近年行動不便，所以要用「尿片」。林偉又表示：「佢係有啲攰，精神都OK，對話如流，係緊張啲，大致上都OK，佢都講嘢清醒。」
秦煌從影近50年：
未能聯絡秦煌子女林偉感迷茫
由於院方還未聯絡到秦煌子女，林偉都有啲迷茫：「去到呢個階段所有決策要交返畀佢啲仔女，我唔能夠同佢作主，始終朋友還朋友。」林偉指阿煌和子女關係疏離，他從未見過對方子女，只知道個女偶然會為父親網上購物，就算還卡數、甚至打風前購物都由他為秦煌做準備：「佢住我附近，又係老人家，咁我都樂意照顧佢。」林偉亦坦言仍未聯絡到，指打去是留言信箱，並表示希望秦煌子女收到消息主動聯絡醫院。
林偉又透露秦煌前晚在獨居的酒店房跌倒，不能自己站起來：「晚上7點幾佢打畀我，因為我唔喺香港托酒店職員代勞扶返佢上床，點知佢10點幾再跌多次落地被迫再求救，雖然腳腫到經已行唔到，但被扶上床後仍堅持唔入院；昨日佢冇聽電話我同佢失聯，直至今日佢幾經辛苦搵返個電話向監製關永忠，主動話唔舒服要入院，最後由酒店通知救護送到醫院留醫，估計因為行唔到，昨日冇嘢食兼失禁。」《星島頭條》向關永忠查詢秦煌跌倒入院一事，暫未獲回覆。
其他文章：
獨家丨75歲秦煌有細30年深圳情人：同港女好唔同 誤爆李龍基絕密情史讚偉仔有義氣
75歲秦煌招牌「卡比獸」身形重現 白髮變黑髮不需長期輪椅代步終有起色
75歲秦煌疑似離巢！效力TVB 44載 近年兩度跌倒入院為健康勁減逾30公斤
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
