MIRROR成員柳應廷（Jer）近日被網民爆在社交網公然媾女，網民認為是斷正睇AV女優素海霖的呂爵安(Edan)教壞Jer。二人今晚（19日）由英國返港，成為追訪焦點，Jer坦承此事更揚言「下次小心」，Edan否認教壞隊友：「唔好乜都關我事。」
相關閱讀：Anson Lo返港半百神徒接機 英國演唱會俾自己65分
MIRROR成員柳應廷呂爵安返港：
MIRROR英國巡唱結束後，成員陸續返港，「教主」盧瀚霆（Anson Lo）先在今晨落機，晚上則有正副隊長Lokman和AK、姜濤、Alton、Edan，以及被爆上網溝女的Jer，有過百姜糖（粉絲暱稱）和數十爵屎（粉絲暱稱）接機，機場出動十多名保安戒備。被爆上網溝女的Jer和被指教壞隊友的Edan，在經理人花姐護駕壓軸現身。Edan否認教壞隊友：「咩係我教壞呀，平時係你們（傳媒）教壞我。」到底Jer有否上網媾女，他被追訪時坦承：「下次會小心啲，真係….小事。(夠膽下次再玩？)唔敢亂講嘢，多謝晒。」Jer隨即上車走。再問到Edan點睇Jer上網媾女，他重申：「一單還一單，唔好乜都關我事。(你點睇？)好似倫敦同曼城，無眼睇。」
Lokman對於英國巡唱被指「大縮水」，他認為各地可有不同演出。問到Edan教壞Jer，Lokman笑言不關事，「我哋一向不教都壞，有機會再講畀大家知有幾壞。」然後表示趕住走就匆匆上車。一人五件行李的姜濤獨自上一部車，被問到Jer被爆溝女，姜濤尷尬笑稱沒留意，又指最後一日上飛機才知。帶同家人到英國的AK談到陪家人去郊遊和睇波，家人已早一步返港。約英國朋友食印度餐後肚瀉的Alton透露已沒事。
其他文章：
陳卓賢Ian巡唱回港大批Fans接機 負責畀錢英國隨便買爆阿媽唔捨得
12怪盜丨MIRROR全員拍戲圓夢唔敢亂承諾派福利 預告票房大賣推老闆跳舞
MIRROR成員被冷落? Lokman有做代表和公司溝通 保錡豪言要拍勻香港所有爛片
——————————
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
