TVB節目《東張西望》昨晚報道筲箕灣垃圾屋個案，事主Pinky寧瞓街亦不肯返家，近日更失聯，《東張》採訪才揭發原來Pinky近日入院，昔日更曾任職會計，可惜受情緒困擾而長期酗酒。昨日播出時，垃圾屋內更驚見《東張》有史以來最大的老鼠屍體；今晚播出的《東張》則邀請到義工及義務滅蟲公司進行清潔，巨型曱甴橫行，睇到人起雞皮！
相關閱讀：東張西望丨健身教練控訴被逼提供性服務！疑似同性戀神父半裸按摩 女教練遭抽水
東張西望丨黎寬怡如何清垃圾屋？
《東張西望》昨日報道筲箕灣垃圾屋個案，女戶主長期沖涼沖足數小時，水更湧出走廊；單位更充滿老鼠屍體、巨型曱甴，而女戶主Pinky原來長期流浪街頭，更有酗酒習慣，近日亦因腳傷入院，她躺在病床上還向《東張》表示：「污糟到我都頂唔順。」
「曱甴王」身長逾3吋
食環處早前與義務滅蟲公司為Pinky的垃圾屋滅蟲，最近《東張西望》與食環署及義工團隊進行清屋大行動，主持「貓仔」黎寬怡亦着上保護衣、手套等，全副武裝進入垃圾屋清屋！先用鐵剷清走地上的垃圾，黎寬怡亦有幫手搬；亦因為大廈並無電梯，義工團隊只可以串成人鏈，將垃圾運到地下。義工受訪也提到今次清屋的難度：「數量多，好難想像200幾呎嘅屋，可以囤積到咁多雜物。」
而垃圾屋內的垃圾開始清走後，多隻巨型曱甴亦四出遊走，其中一隻「曱甴王」身長更有3吋多，非常驚人；甚至有《東張》工作人員更被曱甴爬上身，狀甚恐怖。黎寬怡更打開長期斷電的雪櫃，內外均佈滿黑色污漬，黎寬怡更說：「呢個真係我有史以來，見過最惡劣嘅雪櫃。基本上裏面所有嘅嘢已經腐爛，唔單止有曱甴、蜘蛛，仲可以見到佢啲食物雖然用膠袋封住，但都已經腐爛晒。」
義工與老鼠上影追逐戰
義工團隊花數小時清理客廳後，再進攻睡房；黎寬怡跨過垃圾進入睡房時，更險被掉下來的雜物砸中，非常驚險。黎寬怡幾經辛苦終於入內，見到天花已經發霉，裏面更滿布石屎、昆蟲屍體，情況非常混亂。清理睡房期間，更有老鼠竄出，義工團隊更與老鼠上演追逐戰。義工最後花大半日時間終於清理完垃圾屋，電工師傅亦即時綁電裝燈泡，之後還發現熱水爐亦已經生鏽報廢。義工團隊亦為Pinky提供二手家俬及電器，服務周到。
事主曾是專業人士
Pinky哥哥鍾先生亦現身為妹妹打理，他直言：「心痛嘅，佢精神不嬲都有問題，永遠都活喺自己世界，同佢溝通唔到，但佢平時講嘢有文有路。」原來Pinky以前是專業人士：「佢嗰陣做會計，唔使擔心，搵錢多過我，佢英文OK嘅。」鍾先生亦表示妹妹十幾年前已經有問題，但近年情況較變得比較嚴重。Pinky見到新屋亦表示好滿意環境，還表示想邀請義工食飯、開party，並多謝《東張西望》團隊。
其他文章：
東張西望丨屋邨臭氣熏天竟是因為一雙腳？嚴重潰爛極嚇人 血水佈滿走廊
東張西望丨內地導遊推介黃家駒墳前打卡！樂迷炮轟不尊重 連遊客都唔支持
東張西望丨外傭拍片炫富揭偷遺物？探病仲影相Po上網 僱主：似請咗個小姐返嚟歎
東張西望丨大排檔新年驚爆流血事件！因490元被毆至血流披面 衝突畫面曝光
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
