「敎主」盧瀚霆(Anson Lo)新單曲《MY LIFE》 找來周耀輝填詞，得到對方為歌曲加持，他表示榮幸：「耀輝老師好擅長填一啲好有詩意畫面嘅詞，今次佢為《MY LIFE》寫嘅，好中我心裡面嘅畫面，例如當中用咗折翼天使，講天使忠於自己，想保持善良，喺路途上會受傷，但都會勇敢走以後嘅路，都會堅持自己繼續去保持純真，同善待身邊嘅人。當中用咗好溫柔嘅字詞，但寫咗一啲好強大嘅意義落去。」
Anson Lo推出最新單曲《MY LIFE》。
新單曲《MY LIFE》造型好正。
保持純真，善待身邊人都係Anson Lo嘅堅持。
講天使忠於自己，想保持善良。
MV中化身折翼天使。
MV中Anson Lo化身折翼天使登場，「敎主」最喜歡Beep老師設計出好似成班天使起舞嘅舞步，而為了拍攝單曲的封面，Anson Lo狂練背肌，影相前有不停提自己唔好偷懶狂做Gym，結果出來的效果他也十分滿意！
盧瀚霆新歌騷背肌。
「敎主」身形好靚。
「敎主」對效果感滿意。
又忙拍MV。
今年試更多跳唱風格
「敎主」除拍MV、做Gym外，最近忙於排練MIRROR演唱會，Anson Lo坦言自己都感覺累了：「我好少承認自己攰，但近排真係好攰，特別係雙腳，之前都有喺社交媒體透露自己雙腳好痛，但我都迫自己唔好偷懶，尤其一啲必要做嘅行程，例如學唱歌，呢個係我堅持要做，因為我唔想自己退步：無論能力上成個感覺我都係健康、Presentable嘅，所以好堅持做Gym，同埋曾經許下承諾唔好咁瘦、弱質纖纖嘛！我成日俾人覺得好似好瘦都想厚實啲。」踏入2024年，Anson Lo會以跳唱為主，他表示今年會比上年出更多跳唱歌，因為好想試多啲唔同跳唱風格。
Anson Lo迫自己唔好偷懶。
今年試更多跳唱風格。
Anson Lo今年會以跳唱為主。
Anson Lo努力健身。
MIRROR即將舉行個唱。
