沙龍攝影愛好者（簡稱：龍友）近日興致勃勃帶齊架生直去屯門良景邨一球場排兵列陣，動作與目光一致，聚精匯神地在一棵洋紫荊前舉起長短火。無論是街坊還是網民對這大堆頭情況均大感好奇，想知道鏡頭究竟對準了甚麼？
龍友屯門良景邨球場一字排開逐張睇↓↓↓↓＋ 網民好奇回應↓↓↓↓
facebook專頁「屯門友」日前以「究竟係咩雀引到咁多龍友聚喺良景影呢？圖片來源：良景居民（良田新氣象）田景、新圍群組」為題發文轉載相片，相中粗略估計逾百名龍友在場分20行整齊排列，各人頭岳岳撑起腳架，把貴價鏡頭對著同一方向。
回應的網民形容情況「好誇張」，有人估計「佢哋影樹葉」，繼而推介「我嗰區都有」，有知情街坊則指龍友們在影雀，並指他們「唔阻到人就Ok！」。知情街坊上載圖片指出，龍友們影Sunbird（太陽鳥），並透露「我見咁多人走去八卦下咋！聽講出現咗幾日，今日（26日）至最多人」。
網民：對住棵洋紫荊成個鐘
在facebook專頁「良景居民（良田新氣象）田景、新圍」，街坊上載更多相關圖片。樓主12月25日發帖指「球場有啲咩稀有雀仔？咁多人影」，並在留言欄指「我見啲人搬機走位，佢哋話係影雀仔喎！」。
龍友屯門良景邨影雀逐張睇↓↓↓↓＋ 網民好奇回應↓↓↓↓
回應的網民似乎認得現場為「良景大球場」，指「見佢哋對住棵洋紫荊成個鐘，咁可能係樹上面有雀仔啩，仲以為棵樹今日特別靚，我喺現場做運動，無訪問佢哋」，另有人指「影雀鳥，聽講昨日（24日），都有好多人影」。
龍友一日多過一日
到12月26日樓主再發帖，指「今日（26日）又多咗人影雀」，網民繼續好奇「使唔使咁誇張呀⋯⋯」、「究竟係咩雀？」，並提醒「良偉（樓）街坊記得拉埋窗簾換衫」，接著有人上戴相片指龍友鏡頭正捕捉的雀仔叫「黃腰太陽鳥」，而樓主在回應欄內上載「HKBWS Forum 香港觀鳥會討論區」攝於良景邨一洋紫荊的相片，讓大家一睹嘴巴彎彎的黃腰太陽鳥真面目↓↓↓↓
龍友屯門良景邨影雀逐張睇↓↓↓↓＋ 網民好奇回應↓↓↓↓
網民：君為雀狂
在facebook專頁「顯影屯門。青山散步」，另一樓主本月28日則以「君為雀狂 #良景」為題發龍友相片，並預計
「應該玩多一兩日，啲花謝曬無雀到就散」。
龍友屯門良景邨影雀逐張睇↓↓↓↓＋ 網民好奇回應↓↓↓↓
「黃腰太陽鳥」食昆蟲花蜜種子果實
網上資料顯示，「黃腰太陽鳥」屬小型鳥類，嘴巴細長向下彎曲，分布於印度、孟加拉至中南半島、菲律賓、印尼及國內雲南、廣西、廣東等地，多生活於海拔約1800米以下的常綠闊葉林、竹林或村邊開闊的小樹林中。主食昆蟲和花蜜，也吃植物果實和種子。
龍友相關新聞：
拍友大埔「曬長鏡」 網友：唔知以為飛虎隊捉重犯
排山倒海捕捉醉美秋色 流水響「疊羅漢」嚇壞網民
龍友迫爆老天橋捕捉「旺角懸日」 嚇壞網民：太誇張喇啩
—-
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
