31歲歌手韓子亮(TL)上月初疑因感情受困擾服食過量藥物，幸及時送院搶救，及後他在社交網貼文多謝關心，反省過後承諾會重新做好自己，努力工作。重新出發嘅TL知慳識儉，更由歌手踩埋入KOL界，最近拍搬新屋開箱片，分享家中平靚正，性價比超高嘅二手傢俬。
韓子亮洗心革面努力工作。
TL仍會出新歌。
TL唔會放棄唱歌。
TL重新出發。
TL唔怕添置二手傢俬會有床蝨等問題。
TL全屋差唔多都係二手傢俬。
𠵱家TL變得好慳家。
用二手傢俬慳錢環保
TL唔怕添置二手傢俬會有床蝨等問題，他認為使用二手傢俬既慳錢，又環保能減少浪費，而且好實用。片中他首先分享雙人新淨布藝彈鉸梳化，連叉電線原價$8000，賣家因為搬新屋，只係用咗一年便割愛賤賣以$1000，故性價比相當高；而他在二手網站搜羅到一張同色系茶几，茶几有伸縮櫃桶，可放置零食雜物；雖然有少少花痕，但實用性高，原價大概$2000，𠵱家$380；至於原價千多元嘅電視櫃，由$150講價講到一嚿水，不過，運費就用咗$500，物主都係用咗年幾，相對都算係抵；而原價千多嘅梳妝檯以$380成交，但運費卻要$400；至於雲石伸縮餐檯連4張連四張椅子由比華利山搬過來，原價$4500二手價$1800；實用鞋櫃係免費，啱晒他放到大量鞋履，不過，要花功夫清潔。
新淨布藝彈鉸梳化連叉電線，原價$8000，賤賣$1000。
茶几原價大概$2000，𠵱家$380。
雲石伸縮餐檯連4張連四張椅子，原價$4500，二手價$1800。
電視櫃原價千多元，二手價講到$100。
梳妝檯原價千多，二手價只售$380。
實用鞋櫃係免費。
但要清潔。
但夠晒實用，可放多對鞋。
另外，TL親自去大角咀一個二手市場，用$3000買咗洗衣乾衣機及雪櫃，而且最好係零蚊運費，可惜最失敗度尺出錯，因為冇預有走盞位，搞到雪櫃門被廚房門頂住開唔晒。
二手洗衣乾衣機及雪櫃，共售$3000仲零運費。
有乾衣功能方便好多。
雪櫃門頂住廚房門開唔晒呀。
