獨家丨李尚正保障癌末女友加大意外保額 主持《臥底》系列搵命搏成堆恐怖經歷

42歲李尚正夥拍盧頌恩（妹頭）拍攝的HOYTV皇牌節目《臥底》系列不時中伏，唔少任務亦搵命搏，熱播中的《臥底旅行團3.0》，兩人的歐洲之旅反跟蹤扒手黨；又在惠州揚帆出海時發生意外，妹頭被帆船桅杆擊中頭部，嚇到阿正面都青，好驚失去一個好拍檔！阿正坦言為照顧患末期癌病的女友，要好好保住條命仔，更為自己份意外保險加大了4倍，等女友有更大保障。採訪：方騫平

阿正希望女友及港大舊同學「抗癌戰士」楊嘉驃盡快好返。

 

阿正有情有義。

 

阿正跟妹頭在HOYTV皇牌節目《臥底》系列拍住上。

 

阿正、妹頭係最佳拍檔。

 

妹頭除做幕前仲係美容院及按摩店老闆。

 

妹頭對阿正讚不絕口。

 

妹頭為《臥底》賣命。

 

李尚正在港大修讀建築，除係「有線一哥」，仲因為拍住林海峰主持節目《有線娛樂乜人台》獲周星馳賞識，成為星爺御用演出班底，演過《美人魚》、《西遊.降魔篇》、《長江七號》等，他和妹頭主持《臥底》系列多年好受歡迎，兩人慶幸喺節目中報道中伏位，出街後冇受過驚嚇，反而有被邀再隨團深入了解。

阿正在電影《西遊.降魔篇》演魚妖沙僧。

 

演過《美人魚》。

 

阿正有喜感。

 

阿正是星爺御用演出班底。

 

因為拍住林海峰主持《有線娛樂乜人台》獲周星馳賞識。

 

在港台嘅單元劇做過男一。

 

跟和泉素行做過關於外傭節目。

 

妹頭被桅杆擊中頭

提到《臥底旅行團3.0》難忘片段，妹頭首推惠州之旅嘅風帆體驗，她猶有餘悸：「當帆船駛到深海時風雲變色，個天突然好黑，帆船被風吹到左搖右擺，桅杆擊中我個頭，我驚到嗱嗱聲要求回岸，但船家及導遊不顧安危，聚埋一邊開心『打卡』，搞到隻船側埋一邊。」阿正認為係一件危險事，其實要認真對待：「接待觀光客嘅內地人冇乜安全意識，落船前只係提供一件救生衣，唔會有安全指引，而且船夫好chill咁將帆船越開越遠，然後着未經訓練嘅團友拉帆，同船嘅老人家完全唔識死。」阿正又重提年前嘅清遠行，喺冇人流管制下，跟大批遊客行上玻璃橋，妹頭望住橋下一步一驚心：「唉！咁搵食係咁㗎啦，冇出事唯有盡力做。」

妹頭出海期間被桅杆擊中頭部。

 

妹頭「中頭獎」。

 

期間風雲變色。

 

年前喺《臥底2.0》，兩人遊覽玻璃橋。

 

置身玻璃橋，腳底涼浸浸真係好驚喎。

 

兩人在歐洲之旅跟蹤扒手黨。

 

妹頭偷影扒手真面目。

 

兩人在台山join溫泉團，溫泉池底驚見成堆腳皮。

 

原來唔多Enjoy浸溫泉。

 

阿正入住嘅台山溫泉酒店，同幾十隻床蚤同眠。

 

超恐怖，阿正瞓咗一晚瞓到周身痕。

 

深入危險區域食蠔

阿正為挑戰《臥底》系列，私下買嘅意外保險每年要萬多元：「以前劉明軒都試過拍節目時玩滑水梯，尾龍骨受傷行唔到，因為我係合約藝員，有時真係冇得推。」妹頭都佩服阿正勇氣：「3·11日本大地震後年多，阿正幫我『頂』，途經福島縣取景拍《舞吧！韓日住囉囉》，以身試險狂食廣島蠔。」阿正笑說：「如果公司有『二哥』我一定叫佢去！」妹頭大讚他好man，只能說能力越大責任越大。

阿正年前曾途經福島縣，狂食廣島蠔。

 

妹頭只去安全地帶。

 

妹頭之後才會合阿正。

 

女友曾休克幾分鐘

另外，阿正和女友拍拖18年，而女友患腦癌16年，現已擴散至淋巴、胃部、腎臟，最麻煩經常受感染變關節炎，有時免疫力會自己打自己。阿正坦言會共度患難，好好照顧對方身心：「佢每次更新遺祝；甚至瞓唔到都會係壓力，我唯有提佢放輕鬆，更加唔敢突然提出結婚，費事佢亂諗嘢，因為病人嘅心理狀態好唔同，如果我辭職睇住佢，佢會更加難過。」阿正盡量用樂觀態度面對逆境：「佢係末期癌症病人，醫生都畀定心理準備，知道佢個病隨時有變化，就好似公司時不時『大地震』咁，經歷過幾次就會習慣，最危險一次，試過休克咗幾分鐘，當時得我一個人喺屋企真係驚到癲，唯有係咁喚醒佢及檢查佢心跳，好彩大步欖過，所以屋企長備強心針。」

阿正要加油呀。

 

阿正拍《寵物ER》時遇上偶像周潤發。