周海媚日前病逝,終年57歲。周海媚死因眾說紛紜,更一度傳出她患紅斑狼瘡症,不過其實早年周海媚澄清過無紅斑狼瘡症,是患有「血小板偏低」。今日《東張西望》訪問上屆《中年好聲音》參賽者梁德欣(Mimi),原來她正是紅斑狼瘡症患者。
【相關閱讀】:中年好聲音丨全職媽媽患紅斑狼瘡症爆燈入圍 歌唱老師被諷不男不女得肥媽激讚
【點擊睇梁德欣講患紅斑狼瘡】:
梁德欣在2009年確診紅斑狼瘡症,在第一次病發時,更一隻腳踏入鬼門關:「我之前做銀行,喺美國讀書,畢業後喺美國做嘢,返嚟主要做企業銀行。做咗十幾年,大家都知壓力好大,雖然壓力大,但我當時都enjoy嘅,最後可能因為持續壓力,身體出現咗啲狀況。」梁德欣表示最初只是發低燒一個月,後來醫生着她到醫院檢查,才發現有異狀。
梁德欣表示:「醫生show咗張MRI(磁力共振掃描)畀我睇,全部淋巴位都係黑色,醫生話係發炎、腫晒。」不過醫生之後幫梁德欣吊消炎針,她不但沒有好轉,更嚴重嘔吐,陷入半昏迷狀態:「我昏迷後,check小向小板,係低到就快死,要即刻入ICU深切治療部。」後來類風濕科為她做檢查,才知道患紅斑狼瘡症。
梁德欣當時由入院檢查到入ICU,只有短短一周,卻暴瘦20磅,後來她開始與病魔作單,最初要依靠大量類固醇:「一開始食,我塊面好快變一個月餅,有段時間腫到有八個下巴。仲有佢令你好多嘢都感受唔到,有一次唔小心踢牆,流晒血,我一啲都feel唔到痛。」梁德欣又指因為藥物令她保持興奮狀態而能以入睡,而且服用一年已經出現骨質疏鬆。患病初時,梁德欣依然堅持返工,不過後來她要長期服藥、覆診,關節紅腫,要撐拐杖才能行走。
梁德欣又指紅斑狼瘡症對陀B會有影響,不過當時梁德欣與老公都希望有BB,最後更成功如願,不過醫生就顯得好擔心。幸好近年梁德欣已經情況好轉,更可以暫停服用類固醇,與疾病共存。而梁德欣現在是全職媽媽,去年參加《中年好聲音》更獲囡囡支持參賽。