本月底，剛憑舞台劇《天下第一樓》奪得最佳男主角的謝君豪，將聯同王菀之及梁仲恆演出舞台劇《Skylight 天色》，劇中謝君豪更會與王菀之譜出一段忘年戀，兩人預告正為舞台劇中的身體接觸修身，謝君豪指上半身的數字有很大改變，王菀之更笑言搵返條腰。
謝君豪與王菀之譜出一段忘年戀。
王菀之與謝君豪早前合作《飯戲攻心2》，兩人笑言需要記住角色，若不是的話就會變了其他的語氣。王菀之坦言這次的角色是演過之中最難，也是最多對白，加上踏上舞台後不能夠忘記所有事情，所以需要很高的專注力，謝君豪指踏出舞台後就要一直做戲，不能返回後台，「一出場就要個幾鐘頭先返後台，變咗真係唔可以斷，我自己都未試過做咁多對白，不停講嘢，所以真係好大考驗，一鬆懈甩咗就好難追得返。」
王菀之好開心搵返條腰。
對於兩個拍檔，身為前輩的謝君豪就大讚王菀之及梁仲恆很好，「王菀之好犀利，又識作歌，仲做埋翻譯，所以佢對對白好熟，又好有喜劇感，佢有另類嘅節奏，所以同佢合作好有新鮮感。梁仲恆舞台出身，夾起嚟就好順暢，覺得佢都有獨特嘅氣質，佢有時諗啲嘢好特別，都係好特別嘅演員，又係畀我好大新鮮感。」
謝君豪讚好兩位拍檔。
梁仲恆獲讚氣質特別。
黃子華與陳法拉早年也演過這個劇目，問到是否怕有比較，王菀之表示完全沒想過，揀這個劇本因為有深度，有很多層次：「我好想喺演戲有所提升，第一次睇子華同法拉已經有嗰種味道，近呢一兩年再深入睇劇本，就好想接受呢個挑戰，同埋覺得我應該準備好去接受。」
文：霍淇
圖：鄧國良
《星島頭條》新網站有更多精彩內容：http://www.stheadline.com/
