TVB歌唱真人騷《中年好聲音2 》在昨晚(22 日)播出一集是30強名單終極揭曉,今集共誕生了六位5燈歌手,當中安雅希更加是全晚的亮點,評判之一的伍仲衡聽完安雅希的演出後,突然問安雅希:「你係咪玩過另外嘅比賽?我哋係咪見過?」安雅希回答:「我曾經喺《中國新歌聲》嘅香港同深圳PK 賽拎過總冠軍。」絕對是臥虎藏龍!
【相關閱讀】:中年好聲音2 丨周國豐參加《新秀》陳年片翻hit!樣貌激似敖嘉年 與前TVB小生同台合唱
【點擊睇安雅希昔日比賽相】:
整個60強淘汰賽中,今集選出了6位5燈歌手,當中包括梁浩賢、李振鵬、鄭梓浩、顏米羔、安雅希和陳燕娜,加上之前獲得5燈的陳俞霏、劉可、陳麗媚和陳蒨葶,一共誕生了10 名5燈選手。5 燈歌手之一的安雅希,今次選唱獻唱英文歌《Make You Feel My Love 》,安雅希開口唱了一句後,肥媽已忍不住嗌:「YeahYeah!」其後陳慧嫻大讚:「You are what I’m looking for ,非常專業嘅演出,我會畀101 分!」伍仲衡亦大讚:「好鍾意你把聲嘅Texture,呢樣可遇不可求,唱功可以練,但Texture 係個天畀你!」安雅希的歌聲同時勾起伍仲衡的回憶,他說:「你係咪玩過另外嘅比賽?我哋係咪見過?」安雅希回答:「我曾經喺《中國新歌聲》嘅香港同深圳PK 賽拎過總冠軍。」絕對是臥虎藏龍!
安雅希在首個回合獻唱《光亮》
今次安雅希以一身OL造型出戰,看起來覺得賢淑端莊,但原來早年她參加《中國新歌聲》時,頭髮剪得很短,一頭金髮安雅希的打扮亦當前衛,霎眼看來有點似剛出道的鄭欣宜!安雅希在首個回合參賽者獻唱《光亮》時,當時她甫開口已經吸引到評審一窩蜂撳燈,連出名要求高的周國豐亦讚不絕口謂:「佢應該好有性格,又多愁善感又易開心,作為歌者好易將感情投注喺歌入面」,張佳添則說:「好有TEXTURE嘅聲音,有辨識度,你係其中一個我幾有期待嘅歌手」。反而陳慧嫻卻沒有撳燈,事後她抱歉地說:「我唔記得咗撳燈係因為我掛住聽,我聽得好入神。」其後安雅希表示:「其實呢句說話大家都成日講,我好鍾意唱歌,坦白講,我真係好鍾意唱歌,仲有一個最大嘅原因,因為我爸爸好鍾意唱歌。」但原來安雅希的爸爸在女兒比賽前一星期不幸離世,本來他答允到現場為女兒打氣,安雅希哽咽地說:「我都希望可以同佢一齊,唱歌畀佢聽。」