歌手鍾雨璇(O3)和Rapper Slept Kid推出新歌《Metaverse 360》，係一首關於360度元宇宙嘅故事，雖然𠵱家出歌冇回報，但她堅持想自High，更難得男友Edward都係音樂人支持她追夢。不過，鍾雨璇自爆藝術家男友比較會「跳掣」，尤其對音樂好執著會發脾氣，只好默默忍受，直言：「我係犯賤，向來會遷就另一半。」採訪：方騫平
鍾雨璇太投入戀愛，自認係犯賤。
鍾雨璇和Rapper Slept Kid推出新歌《Metaverse 360》。
Rapper Slept Kid嘅裝扮曾被誤會係同性戀者。
新歌《Metaverse 360》靈感來自美劇《Black Mirror》其中一集，講一班臨終前嘅老人家，可以喺虛擬世界裏面，揀一個自己鍾意嘅形象及生活環境延續生命，因而忽發奇想做一首關於元宇宙嘅開心歌，搵埋Slept Kid crossover。MV中O3有唔少造型，還拉埋Slept Kid扮宅男跟飾演機械人的她互動談情。
新歌MV有多個造型能過足戲癮。
O3拉埋Slept Kid扮宅男，跟演機械人互動談情。
鍾雨璇和Rapper Slept Kid出席新歌記者會。
被舊愛拍瘀大髀
講到戀愛史，O3於ViuTV節目《晚吹- 戀講嘢》接受193訪問時自爆曾跟渣男交往，為對方洗底褲時發現留有偷食污漬，但仍默默忍受，最終喊住被分手。她承認喺感情上比較任性，最重要係鍾意，就會投入到犯賤地步，乜都就晒對方：「我仲試過同另一位舊愛嘈交，佢激動到拍枱拍凳，拍到我大髀瘀咗半個月…好彩𠵱家同Edward會互相忍讓，大家係會有溝通，不過，佢都有脾氣，講到音樂會較為主觀，大家爭論過後，佢會過嚟錫啖𠱁返我，音樂人就係咁『跳』，咁有意見才會進步。」過往經歷令O3學會變「駝鳥」：「𠵱家我唔會再偷睇男友手機，見到索女邊個男人唔食魚？要呃嘅點都呃到你，唔好講男人呀，都有大把女人去偷食啦，唔去查探就永遠唔知，男女相處最重要大家忍讓，接受唔到咪分開囉。」
O3於ViuTV節目《晚吹- 戀講嘢》接受193訪問時自爆曾跟渣男交往。
O3 Keep住好身材，減低男友偷食機會。
男友Edward喺音樂上比較執著，都會有啲脾氣。
鍾雨璇好愛唱歌。
O3時不時會做吓音樂會。
小貓白雪雪好可愛。
