《全民造星5》決賽將於周日（16日）舉行，其中99號黃家灝（KC）由比賽開始已經極受注目，不單是因為《造星IV》最後五強的Win Win是他的女友，再加上有8年跳舞經驗，本身是舞蹈員、排舞師及跳舞導師出身，多次在節目獲得好評，被視為冠軍人馬！
【相關閱讀】：全民造星V丨99號KC企正中間佔盡上風受力捧？ 馮允謙陳健安爭仔似MMA
【點擊睇KC成名之路】：
當年姜濤參加《造星》的編號是99號，今次KC在《造星V》同樣是99號，自然被看高一線，在自我介紹影片上，KC是十大關注名單中最多人觀看的是影片，上載兩日已超過4000人瀏覽，片中KC自爆愛唱歌、打機、煲劇、睇動漫、食嘢及瞓覺，更搞鬼地大玩《寵物小精靈》的耿鬼公仔，可能是較多出鏡經驗，因此亦是眾多影片中表現最自然的一位。雖然被為大熱，但KC當時稱信心只是中庸：「對自己能力有認知，未自信到會覺得贏硬，我亦唔會睇小其他對手，總之大家都有機會贏冠軍。」
不介意被稱「Win Win男友」
自從參加了比賽後，外界不時用「Win Win男友」去形容KC，難得他一點都不介意，再者兩人都拍拖近5年，沒甚麼好隱瞞：「我哋嘅關係好穩定，係互相學習、互相進步，大家對我有呢個印象都唔錯，不過我希望大家記得除咗係Win Win男朋友，仲記得我有喺《全民造星》內排過舞。」不過隨著戰況愈來愈激烈，KC亦受盡壓力，除了被指唱歌走音，只是跳舞叻都可以由頭帶到尾，甚至因比賽期間有大量鏡頭而被封「親生仔2號」，KC曾在訪問上重申不覺得節目組對他特別好，剪輯方面亦不是他決定，他只希望做好自己：「我絕對係作為一個參賽者去參與呢個比賽。」
無意判斷誰對誰錯
KC坦認被轉移視線有點不開心：「我覺得都有少少個集中點去咗個事情嘅真偽，有啲人可能好firm咁講，有啲人好猜測咁樣去講，咁我覺得都要睇我表演，都要睇我create嘅嘢，你哋覺得唔夠好或者有咩唔好我都會聽。」重提KC曾在澳門十強節目中，提到王鋒被阿澤投訴臨時改舞步一事，KC事後稱無意判斷誰對誰錯，「邪念係勝負帶畀人諗多咗嘅嘢，喺我嘅世界真係只係得做好自己，而呢個係份內事，所以點解當初我話呢件事係悲劇呢，就係因為勝負呢樣嘢分開咗佢哋。」對於發表意見被狠批，KC覺得被誤會，「但係is OK，我只係喺鏡頭前講咗一啲對呢件事嘅想法，每個人都有佢嘅答案，其實當下講嗰番說話，大部份我係表達一個感嘆嘅感覺。」
