TVB歌唱節目《中年好聲音2》今午（2日）進行第三輪海選，今次海選出了奇怪現象，就是有不少昔日曾經在樂壇出道做歌手的人參加比賽，其中一個是第一屆《超級巨聲》參賽者及隊長，最終獲得第五名的劉威煌，同場還有經常與他齊齊開live直播唱歌的「榴槤俠」梁思傑。
【其他文章】：中年好聲音2丨90年代艷星身材容貌走晒樣 大媽味濃過屯門娜娜嚇親網民
【點擊睇劉威煌再參戰】：
今次劉威煌選唱《情歌》，與他老友鬼鬼的伍仲衡「扮唔識」聽到肥媽說「你就係劉威煌」，搞笑地附和：「我都覺得你有啲似！」談到今次參加原因，劉威煌說：「我好細個就開始比賽，10幾歲就開始，以我嘅認知，冇一個比賽係FOR中年，估唔到有一個平台畀我哋啲中年人享受音樂。」他又稱對上一次參加比賽是第一屆《超級巨聲》：「嗰陣對自己未有交代嘅過程，只係得到第五名，嗰陣係一個好緊張嘅心情，有咁嘅資源，但係唔識去享受，到而家年紀大啲，感受多咗，所以就企咗喺度。」雖然歌手出身，出過專輯又舉行過演唱會，不過他仍老貓燒鬚甩咀唱漏歌詞，他解釋離開比賽已經有一段時間：「見到咁多老師好緊張！」肥媽則提議：「下次唱歌唔好太多哭腔，少啲啲會好靚。」
劉威煌在2009年第一屆《超級巨聲》中獲第五名，簽約TVB後正式入行，因在《超級巨聲》節目上被選作隊長，故被稱為「威煌隊長」，不過到了2014年，劉威煌與TVB解除經理人合約，以自由身在娛樂圈發展。其後他與家人在大陸經營礦業生意的富貴女友林佳琪（Sandy）秘婚，被外界封做「億萬駙馬」，但他說：「有人吹到好大，話我係億萬駙馬，話我軟飯都唔識食，我就係咁硬頸，亦唔係乜嘢億萬駙馬。」之後再說：「唔知點解有咁嘅稱號，網民有少少人生攻擊，話我『軟飯王』，又有人話我軟飯都唔識食，白癡！但我在明，佢在暗，無得玩，我問心無愧。」
除了唱歌外，劉威煌亦有投資500萬成為台灣茶飲店的香港總代理，賣人氣黑糖珍珠奶茶，並在短時間內開設4間分店，可謂非常厲害。
