獨家 丨林作被炒踢波發洩順返條氣好笑容 裕美擔心人身安全陪出入

林作在社交平台上載模仿荷李活廣場殺人案疑兇的背心短褲加黑波鞋造型相,表示「放售疑犯同款波鞋」、「逃跑一流」,原意曲線叫大家正視社會上精神病患問題,但抽水抽著漒水,全城鬧爆,指他冇同理心,甚至向林作任職的保誠保險公司投訴,雖然林作好快刪post,但仍被保險公司以「價值觀背道而馳」炒魷。採訪:娛樂組

林作原意曲線叫大家正視社會上精神病患問題,但抽水抽著漒水被全城鬧爆。
林作原意曲線叫大家正視社會上精神病患問題,但抽水抽著漒水被全城鬧爆。

 

最後收到任職保險公司嘅大信封。
最後收到任職保險公司嘅大信封。

 

據知,林作對被炒非常唔順氣,因為「抽水」並冇違返保險合約規條。他接受《星島頭條 》記者獨家訪問時氣憤難平說:「我完全冇後悔做呢件事,因為作風同平時一模一樣(抽水)。」他力斥遭公司無理解僱:「公司咁搬龍門係咪傻傻地?準則係邊呀?我𠵱家可以做返律師,而且律師、法律我識大把,我唔怕喎!成件事我愈睇愈好笑,我梗係保留一切法律追究權利啦,對我嚟講非常好玩,你要記住:我唔係等錢使㗎!」並透露將舉行團隊大會商討下一步對策。

他接受《星島頭條 》記者獨家訪問時氣憤難平。
他接受《星島頭條 》記者獨家訪問時氣憤難平。

 

強調「抽水」並冇違返保險合約規條。
強調「抽水」並冇違返保險合約規條。

 

林作對被炒都好意外。
林作對被炒都好意外。

 

今晚會向記者交代事件。
今晚會向記者交代事件。

 

林作愈講愈不忿:「今日會同律師進一步睇返啲條文細節,呢刻答唔到有咩決定,但我理解,佢哋做法(解僱)令我哋(林作及律師)摸不著頭腦,我哋深入睇吓可以爭取到啲乜。」至於會否息事寧人,將來再合作返?他斬釘截鐵說:「就算佢想,我都睇唔到有咩合作空間! 至於會唔會圍剿佢哋?就算我唔出手,我啲客人都會出聲!」

林作喺保險界上位得好快。
林作喺保險界上位得好快。

 

林作入行僅 22 個月已晉升為區域經理,距離行內「神枱級」的區域總監職位僅一級之遙。
林作入行僅 22 個月已晉升為區域經理,距離行內「神枱級」的區域總監職位僅一級之遙。

 

過往得獎無數。
過往得獎無數。

 

林作保險團隊80多人。
林作保險團隊80多人。

 

對於阿媽王莉妮力撐,指屋企有樓收租,佢可以唔使做,問到係咪有阿媽全力做後盾冇後顧之憂?林作即說:「我老母梗係撐我啦,我認呀!呢件事我媽仲激過我呀,佢梗係會為我出頭啦。」他又透露有好多保險公司高層搵佢洽談。

林母得一個獨子,點都會支持個仔。
林母得一個獨子,點都會支持個仔。

 

母子相依為命。
母子相依為命。

 

 

 

 

 

 

 

 

 

有個富媽媽做後盾。
有個富媽媽做後盾。

 

球場踢波減壓

由於事出突然,昨天他除按原定日程為ViuTV拍節目《生仔唔該考個牌 》外,就電話不離手商討應變措施,直至傍晚才去波踢波發洩情緒。球場上林作稍為放鬆,略見有笑容。踼完波後,林作由裕美充當司機接載他回家繼續開會,他打算今天跟保險下線員工開大會交代「身後事」。

林作喺球場終見返啲笑容。
林作喺球場終見返啲笑容。

 

 

踼波期間頭耷耷,有心事。
踼波期間頭耷耷,有心事。

 

 

裕美自稱打得

「最佳女朋友」裕美坦言會跟林作風雨同路:「以前我都會提佢,但佢唔會聽,既然個平台係佢,我迫佢唔到,更冇權干涉,事情發生咗就要面對,最擔心佢安全問題,唔放心佢,我都幾打得,最怕佢出街頭耷耷睇電話有危險,所以呢排盡量陪住佢出入。」裕美更表示:「佢冇工開,現階段我要更加努力工作,有乜事要互相照應。」

裕美擔心林作人身安全,昨天及今天都陪住佢出入。
裕美擔心林作人身安全,昨天及今天都陪住佢出入。

 

裕美睇得又打得。
裕美睇得又打得。

 

裕美選擇同男友風雨同路。
裕美選擇同男友風雨同路。

 

作為女友點都要撐。
作為女友點都要撐。

 

 

 

 

 

 

 

 

 

《星島頭條》APP經已推出最新版本,請立即更新,瀏覽更精彩內容:http://www.stheadline.com/
 

即時娛樂