獨家丨廖慧儀首開腔曾抑鬱:喺屋企係咁喊 感情瓜葛形象插水「雪」足一年

前落選港姐廖慧儀(Jessica)最近在主持的J2旅遊節目《趁而家去大馬偷食…譜!》中換上低胸裝,又狂晒長腿及24吋纖腰,甚受巴打歡迎。從2020年參選港姐到變身「J2女神」,26歲的Jessica曾有段黑暗日子,跟孔德賢傳緋聞,舊愛Sam疑為情困輕生,自此打入冷宮,去年尾終獲解凍再現幕前,強調自己都唔好過的Jessica為自己平反:「我抗拒亂搞男女關係。」採訪:方騫平 攝影:鄧國良 場地:hotel icon the market

26歲廖慧儀青春無敵,著便服露吓腰及腿已經好SHARP。
26歲廖慧儀青春無敵,著便服露吓腰及腿已經好SHARP。

 

Jessica靠做運動及食嘢減壓,尤其愛食惹味泰國菜,巳括泰式牛肉湯河及榴槤等。
Jessica靠做運動及食嘢減壓,尤其愛食惹味泰國菜,巳括泰式牛肉湯河及榴槤等。

 

食甜品可令廖慧儀減壓。
食甜品可令廖慧儀減壓。

 

 

 

 

 

作為瑜伽導師的廖慧儀三圍35C、24、34,超Fit身形唔怕露,在J2全新旅遊節目中着緊身小背心晒深坑事業線,忍唔住一睇再睇。在公已經如此大方,在私更加不得了,社交網內有八成相片都全方位晒完美曲線,泳衣、瑜伽衫、運動緊身小背心,梗有一款啱你心意。她坦言有唔少網友DM要求交友,又話喜歡她:「我覺得呢啲係友善表現,不過都試過收到一啲不雅相,男人性器官、做gym相…我睇完大笑冇回覆,呢個世界真係有好多搞笑嘅人,佢咪send嚟囉,又唔覺係騷擾嘅,反正我無聊先會睇吓。」Jessica 自爆甚至有人提出「包養」:「經驗之談,尤其係藝人好容易畀人改圖,所以唔理就係最好嘅處理方法。加上疫情下網騙案好多,成日接到電話『係咪阿…呀?』網上世界好多假嘅,唔好咁認真。」

廖慧儀着低胸裝露深長事業線,跟伍韻婷主持J2節目《趁而家去大馬偷食...譜!》。
廖慧儀着低胸裝露深長事業線,跟伍韻婷主持J2節目《趁而家去大馬偷食…譜!》。

 

入埋廚房做幫工。
入埋廚房做幫工。

 

一齊炮製地道美食。
一齊炮製地道美食。

 

有埋睡衣Look。
有埋睡衣Look。

 

 

Jessica三圍35C、24、34,身形好靚,不過網民好衰笑佢著阿婆泳衣。
Jessica三圍35C、24、34,身形好靚,不過網民好衰笑佢著阿婆泳衣。

 

 

以前作風大膽好多。
以前作風大膽好多。

 

解凍後好多嘢做

因為感情瓜葛,形象插水遭無綫「雪」足一年的Jessica愈嚟愈多機會,除做過真人show《港女野人》主持外,剛客串拍新劇《奪命提示》。目前是無綫娛樂新聞台主播,稍後挑戰連續60小時不眠不休的《我要瞓鬥》。Jessica自言好期待:「因為贏咗有總值10萬蚊獎金獎品,但最怕只係有眼眼圈。」談及跟前輩劉佩玥拍《奪》劇壓力較大:「本身劇本寫我係打沙包,點知現場改咗對打,幾驚錯手打親佢。」

Jessica解凍無耐主持真人show《港女野人》,佢話迫自己面對鏡頭。
Jessica解凍無耐主持真人show《港女野人》,佢話迫自己面對鏡頭。

 

《港女野人》中要跟何泳芍、陳若思及胡美貽一齊上山下海接受挑戰,被迫面對鏡頭。
《港女野人》中要跟何泳芍、陳若思及胡美貽一齊上山下海接受挑戰,被迫面對鏡頭。

 

客串拍新劇《奪命提示》,穿小背心跟力捧姐仔劉佩玥對打。
客串拍新劇《奪命提示》,穿小背心跟力捧姐仔劉佩玥對打。

 

解凍後,於2021年《歡樂滿東華》環節中擔任旗手。
解凍後,於2021年《歡樂滿東華》環節中擔任旗手。

 

機會愈來愈多,更加入無綫娛樂新聞台做主播,邊學邊做。
機會愈來愈多,更加入無綫娛樂新聞台做主播,邊學邊做。

 

主持J2美女煮食節目《開火》。
主持J2美女煮食節目《開火》。

 

多謝C君令她重生

Jessica好感激前J2創意總監C君「執」她返去做《港女野人》令她重生,從中能調節心理,做返個正常人。對於兩年前舊愛離世事件,Jessica首度開腔剖白:「其實事發後我冇擔心過仲可唔可以繼續喺娛樂圈發展,反而關注心理健康問題,因為當時情緒唔穩定出現抑鬱,喺屋企係咁喊,抗拒接觸人,身心都有障礙,只係你哋睇唔到我個傷口。」Jessica父母和好友都好肉赤她,認為她只得23歲,唔應該面對如此困境,承受咁大壓力,「爸媽仲提出『隨時可以移民,唔做呢行…』」雖然Jessica有睇專科醫生尋求協助,但最後都係靠自己行出嚟,主持《港女》迫自己面對鏡頭:「好記得拍完第一日我忍唔住爆喊發洩話『好耐未試過有咁多人望住我,我好驚呀…』睇返嗰時狀態仲係唔OK。」

Jessica寓興趣於搵錢,收工後Keep住做瑜伽導師。
Jessica寓興趣於搵錢,收工後Keep住做瑜伽導師。

 

 

 

 

不吐不快鬧爆改圖

單身的Jessica唔想有咁大壓力,拒同男藝人拍拖,見過鬼怕黑亦會小心處理感情問題:「做藝人要小心啲,就算出席朋友嘅生日活動,都要睇吓有乜人一齊去,始終唔太方便。」問到愛情觀?她坦率說:「我唔係老,唔使收斂作風,緣份嚟唔抗拒拍拖,但抗拒亂搞男女關係。」經一事長一智,Jessica除會慎言,亦唔怕辛苦做多啲,求有穩定收入,另外想拍劇及喺銅鑼灣大螢幕見到自己,畀父母睇到個女真係藝人。最後她不吐不快:「有啲嘢我冇講過,但會被改圖搞到完全相反,做藝人好多時真係解釋唔到…𠵱家我個人冷靜到都幾得人驚,好似冇晒感覺咁。」

《星島頭條》APP經已推出最新版本,請立即更新,瀏覽更精彩內容:http://www.stheadline.com/
 

即時娛樂