獨家丨張國榮被狂迷爬樹潛入睡房機警拆掂 34年忠粉分享偶像甜蜜驚險秘史

一代巨星張國榮(哥哥)離世20周年,昨日有行內人向本報公開塵封20年的哥哥絕密娛圈趣事,今日就有貼身追隨哥哥34年的忠粉Ann Ting,細訴跟偶像的相處點滴,以及從哥哥口中得知,只有至親才知的私密事,並非農場式翻炒舊聞絕對珍貴,包括曾有癡情狂迷,用盡方法想得到哥哥注意,發喜帖公布同張國榮「婚訊」;另外,哥哥昔日位於加多利山布力架街的故居,原來曾試過被失常狂迷從後門爬樹成功潛入屋,更坐在牀邊等哥哥,好恐怖呀!採訪:方騫平

跟忠粉阿Ann合照的哥哥,着短褲仔露出白滑到反光的靚腿。
跟忠粉阿Ann合照的哥哥,着短褲仔露出白滑到反光的靚腿。

 

忠粉Ann係哥哥傾訴對象。
忠粉Ann係哥哥傾訴對象。

 

Ann同哥哥無所不談。
Ann同哥哥無所不談。

 

《頭條日報》的資深娛記提供兩張34年前親手影的私藏靚相,畀哥迷重溫哥哥昔日風采。相片攝於1989年2月,當日記者相約哥哥到淺水灣影賀年相,已是天皇巨星的哥哥打扮到靚靚仔仔現身,仲有求必應,拎完大炮仗又吹風車,拍攝期間更溫柔地命令記者:「拎個袋畀我。」據記者形容該裝滿賀年道具的膠袋都相當唔美觀,但哥哥都拎咗一陣先轉手畀身後的男助手拎住,勁有風度,呢啲就真係無明星架子嘞!哥哥對傳媒體貼又有禮,亦是其成功之道,𠵱家啲藝人真係要學吓嘢喇。(編按:極葡萄)

親拍私藏靚相之一,手執一串大炮仗嘅哥哥,甜笑望鏡頭,完全冇大明星架子。
親拍私藏靚相之一,手執一串大炮仗嘅哥哥,甜笑望鏡頭,完全冇大明星架子。

 

親拍私藏靚相之二,天王巨星有求必應,叫哥哥吹風車完全無托手踭,你睇佢幾可愛。
親拍私藏靚相之二,天王巨星有求必應,叫哥哥吹風車完全無托手踭,你睇佢幾可愛。

 

哥哥唐唐分房瞓

其實哥哥唔止對後輩及記者好,亦好愛錫Fans。貼身追隨哥哥34年的忠粉Ann Ting更成為哥哥的傾訴對象,阿Ann經常於片場及哥哥慣常光顧的Coffee shop出現,大家會閒話家常,由電影講到生活鎖事:「印象最深刻當年哥哥同我講過,對正佢二樓睡房出面有棵大樹,竟然有女歌迷爬樹,再神不知鬼不覺咁由窗口潛入佢間房,完全無驚動樓下嘅家傭、司機及唐唐(至愛唐鶴德)。直至當晚佢返房,一開燈就見到有個女人坐喺佢牀邊望住佢,兩人對望時哥哥嚇到心都離埋,只能裝作鎮定,一方面安撫住對方,然後設法逃離現場。」

忠粉Ann經常到片場探哥哥班。
忠粉Ann經常到片場探哥哥班。

 

哥哥二樓睡房出面有棵大樹,狂迷曾爬樹從窗口入屋,事後已加窗花。
哥哥二樓睡房出面有棵大樹,狂迷曾爬樹從窗口入屋,事後已加窗花。

 

 

 

哥哥同唐唐風雨不改,相愛多年。
哥哥同唐唐風雨不改,相愛多年。

 

當紅哥哥曾秘密探訪癌病末期歌迷。
當紅哥哥曾秘密探訪癌病末期歌迷。

 

當年哥哥宣傳新碟《為你鍾情》,曾跟歌迷影結婚相。
當年哥哥宣傳新碟《為你鍾情》,曾跟歌迷影結婚相。

 

哥哥每次現身公開場合即被大班fans包圍,現場水洩不通。
哥哥每次現身公開場合即被大班fans包圍,現場水洩不通。

 

哥哥受大人細路歡迎。
哥哥受大人細路歡迎。

 

每次現身都吸引到唔少fans。
每次現身都吸引到唔少fans。

 

哥哥對人好好。
哥哥對人好好。

 

阿Ann形容哥哥向她自爆「狂迷入屋」事件時,雖然猶有餘悸,但都講到眉飛色舞,描述時還添上幾分刺激感,凸顯佢可以好機警咁面對危機處理,招積得嚟都幾好笑:「哥哥話,佢嚇一嚇之後,就𠱁住對方,答應同佢結婚,仲追問對方『你叫乜名?』、『我送你落去搭車呀!』邊講邊退到房門口,哥哥即九秒九跑出房再閂埋門,然後大叫家傭及司機挾對方離開,但哥哥真係大好人,佢冇報警。經此一役,馬上趕工加裝窗花,唔使長期提心吊膽。」另外,據知哥哥跟唐唐同居時是分房瞓,傭人亦要經哥哥批准才能入房打掃。

哥哥位於加多利山布力架街嘅故居睡房,曾被狂迷成功潛入。
哥哥位於加多利山布力架街嘅故居睡房,曾被狂迷成功潛入。

 

哥哥於1999年推出《ALL ABOUT LESLIE》寫真集,由日本攝影大師清水安雄拍攝,部份靚相在哥哥的寓所取景。
哥哥於1999年推出《ALL ABOUT LESLIE》寫真集,由日本攝影大師清水安雄拍攝,部份靚相在哥哥的寓所取景。

 

 

哥哥有頑皮一面。
哥哥有頑皮一面。

 

哥哥露點呀。
哥哥露點呀。

 

 

日本攝影師攝於澳門酒店內。
日本攝影師攝於澳門酒店內。

 

哥哥對家居設計有要求,就算洗手間都裝修到如置身豪華酒店內。
哥哥對家居設計有要求,就算洗手間都裝修到如置身豪華酒店內。

 

 

《純影集》在當年哥哥的龜背灣獨立屋取景,室內裝修好有氣派,仲有座黑色三角琴。
《純影集》在當年哥哥的龜背灣獨立屋取景,室內裝修好有氣派,仲有座黑色三角琴。

 

舊住所龜背灣大牀。
舊住所龜背灣大牀。

 

張國榮於1988年出版處男《純影集》,當中有哥哥着貼身褲排舞。
張國榮於1988年出版處男《純影集》,當中有哥哥着貼身褲排舞。

 

客廳一角。
客廳一角。

 

哥哥同唐唐以前分房瞓。
哥哥同唐唐以前分房瞓。

 

哥哥會整蠱唐唐。
哥哥會整蠱唐唐。

 

PatPat靚過梁家輝

另外,Ann還透露,哥哥有幽閉恐懼症好驚搭電梯,所以唔like住apartment外,都幾怕跟陌生Fans距離太近:「約翰連儂(John Lennon)被瘋狂粉絲槍殺(1980年12月),佢都驚俾Fans傷害,劃花佢塊面…所以喺公開場合,會默契地畀鐵粉靠到最近,幫手做埋保鏢。」哥哥要求Fans斯文有深度,會同佢有互動講吓電影,而唔係做「花癡」:「所以我見佢前,即使未睇過套戲都刨定影評,最記得佢同我交流梁家輝主演嘅電影《情人》,佢問我『你覺得家輝個pat pat靚唔靚?』正當唔知點應佢時?哥哥自問自答話『咁我個pat靚啲…』好搞笑。」另外,搞鬼的哥哥亦曾在Ann面前整蠱唐唐,「佢訛稱自己派晒手頭嘅利是,叫我哋搵唐生𢭃利是,嚇到怕醜嘅唐唐不知所措,佢用尷尬而不失禮貌嘅微笑答『利是?有有有…』語畢就係咁摷,在旁嘅哥哥目擊唐唐嘅反應,笑到卡卡聲,好Sweet。」

哥哥避忌陌生fans埋身。
哥哥避忌陌生fans埋身。

 

梁家輝在電影《情人》中有大膽全裸演出。
梁家輝在電影《情人》中有大膽全裸演出。

 

哥哥同梁朝偉性感演出。
哥哥同梁朝偉性感演出。

 

張國榮多年來靚相重溫,昔日風采令人懷念。
張國榮多年來靚相重溫,昔日風采令人懷念。

 

 

 

 

 

 

 

 

 

 

 

 

 

 

 

 

 

 

《星島頭條》APP經已推出最新版本,請立即更新,瀏覽更精彩內容:http://www.stheadline.com/
 

即時娛樂