監製鄭保瑞和導演黃慶勳繼《麥路人》再合作新戲《斷網》，以網絡罪案為主題，繼續起用郭富城和顧定軒演出。兩人坦認題材好抽象，拍攝有一定難度，加上正值疫情高峰期，不過卻造就借到特別場地拍攝。對於近期港產片成績斐然，兩人認為每套戲有其命運，拍完就不會想太多。採訪：杜杜 攝影：Stanley
鄭保瑞和黃慶勳認為拍網絡有關題材，難度相當高。
2021年鄭保瑞執導的《智齒》有好成績，但他向來抱着鋪鋪清心態，不會將壓力帶到下部作品。
黃慶勳坦認《斷網》製作時間比較長，除了受疫情影響，還因後期要做大量電腦特技。
戲中城城飾演網絡專家，但絕對不止對着電腦演戲。
戲中城城跟林家棟有不少對手戲，由現實鬥到網絡世界。
城城跟任達華戲內除了鬥演技，亦有動作場面。
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
拍網絡有關題材，以為鄭保瑞和黃慶勳對電腦有一定認識，兩人竟搖頭否認，黃慶勳笑指，「佢叻啲，我第一部電腦都係佢帶我去買，有時仲會上我屋企整電腦。」鄭保瑞笑認對電腦只有基本知識，跟電影題材程度差好遠，所以今次由寫劇本到後期製作，全程要搵電腦專家畀意見，而且要解釋網絡犯罪過程有一定難度，「後尾就諗不如試吓走入網絡世界，應該容易令觀眾明白同理解，如果唔係觀眾又辛苦，演員又辛苦，係咁對住個Mon做戲。」
為營造網絡世界感覺，黃慶勳專登花200萬搭建戲中主景。
鄭保瑞和黃慶勳巧妙地利用真人走人網絡世界，解構整個犯案過程。
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
《斷網》劇照
疫情造就大館取景
電影其中一幕動作場面在中環大館拍攝，由於當時是疫情最嚴竣時期，大館封了，反而能借到古蹟取景，「唔係專登，諗住喺街拍，但全部人戴晒口罩，局住喺大館拍。」
黃慶勳承認拍攝時正值疫情高峰期，令難度再增加。
城城在《斷網》一場重頭動作戲難得在大館取景，原來並非刻意安排。
《斷網》劇照
《斷網》劇照
《斷網》劇照
《斷網》劇照
《斷網》劇照
繼《麥路人》後再跟郭富城合作，鄭保瑞覺得電腦專家一角好適合城城，而且對方有其商業價值，「佢係好好嘅演員，呢類型嘅商業片，需要一個有力量嘅男主角，我哋又喺《麥路人》建立信任嘅合作關係，不過開頭佢都好多疑問，『拍網絡即係點，我哋喺度打電腦呀！？』哈哈！」至於再用顧定軒，黃慶勳盛讚《麥路人》時看出他夠勤力，「圍讀前對佢唔係好放心，但圍讀時佢一同對手講對白就做啱咗，我知道佢唔會突然做啱，一定係諗過點樣做，我覺得要畀多啲機會年青人，唔係成日都拍MIRROR嘅，咁顧定軒都係一個選擇。」鄭保瑞即戴返頭盔，「咁MIRROR都好嘅。」
黃慶勳首部作品《麥路人》，已跟城城和顧定軒合作。
城城獲邀演出時，對網絡題材一度好多疑問。
黃慶勳欣賞顧定軒夠勤力，跟他在《斷網》再度合作。
新網站 www.stheadline.com 已推出
