胡鴻鈞（Hubert）、陳自瑤、吳偉豪及孔德賢今晚（16日）到荃灣出席仁濟活動，陳自瑤穿上波點連身裙看似平平無奇，但一伸腿就好吸睛。胡鴻鈞去年一直在內地作巡迴演出，指今年將會放多點時間在香港。問到巡迴是否賺好多？他尷尬地表示：「唔多，講心唔講金。」
胡鴻鈞透露稍後會推出新歌，至於與TMG（TVB Music Group）的合約問題，他表示會交由公司處理。問到是否打算從吳業坤手上搶回一哥位置？他指對方無論在事業或感情上也是一哥，又透露坤哥到內地開音樂會時，自己亦有八卦問對方為何突然結婚：「佢話覺得要負起男人嘅責任，（做咗乜要負責任？）本身都以為佢咁急唔通佢⋯⋯但唔係，佢話難得搵到一個想安定落嚟嘅女仔，坤哥係一個唔定性嘅人，同埋人哋願意跟佢生活，我聽到都覺得開心。」胡鴻鈞與坤哥認識十幾年，見對方愈來愈成熟，認為自己也需要向他學習。問到現階段是否仍不想安定，想做一隻冇腳的雀仔？他說：「我暫時鍾意自由飛翔。」提到其最後一部劇集是《金宵大廈2》的一個單元，他表示未有計劃拍劇：「演員比較被動，只要有監製賞識就得，但暫時未有。」
【點擊睇現場靚相】：
同場的吳偉豪及孔德賢在活動上獻唱兩首歌，二人都揀《歲月如歌》，但因吳偉豪先揀歌，令孔德賢不能唱。問到吳偉豪為何不唱爸爸吳大強的英文歌？他指是大會安排：「我想唱爹哋嘅英文歌，因為我知道好多人都有睇《中年好聲音》，下次有機會再唱啦。」問到可有機會父子檔演出？他表示會，可能遲一點會錄歌，但爸爸正在忙於比賽，所以不敢打擾他。對於吳大強成為冠軍大熱，吳偉豪表示對爸爸很有信心，但以他所知爸爸並非想贏，只是想享受舞台：「難得有咁多人留意佢，佢又鍾意唱歌，所以係一個好難得嘅機會。」問到是否得「飛躍進步男藝員」獎後多了工作？吳偉豪說：「呢啲都係等公司安排，當然有多工作就係好，呢啲順其自然，冇得控制。」
孔德賢透露一直有學唱歌，自己在18歲時曾參加全港大專生的歌唱比賽，當時更得到季軍，雖然已簽一間公司，但後來公司解散，本來想成為歌手卻輾轉做了演員，加入《#後生仔傾吓偈》。不過他仍有歌手夢，希望今年有多些機會唱歌，而他又自爆曾報名參加《聲夢傳奇》，但公司最後覺得素人參加比較合適。提到將來可參加《中年好聲音》，他笑說：「都好，起碼有一個舞台俾我哋演出。」
