組合MIRROR去年逆市下仍賺大錢，23歲姜濤去年10月請完阿媽去歐遊後，最近又購入西環千萬海景單位，至於人氣成員Edan(呂爵安）都搵到啲，有本事請晒屋企人歐遊，好勁呀！
Edan喺助手陪同下抵達機場，機場保安護送入閘。
Edan好耐有去旅行啦。
兩度向「爵屎」揮手。
有假放變得神采風揚。
Edan於本周六大除夕(21日)26歲牛一，忙足一年，難得農曆新年期間冇咁忙即展開慶生之旅。Edan昨晚8時在助手陪同下抵達機場，獲30多位「爵屎」到場送機，機場保安預早用鐵欄為他築成「特別通道」，終於放到大假去玩嘅Edan心情開朗，聽見粉絲預祝他生日快樂時，Edan揮手答謝。
當記者問他歐遊多少天時？他帶點尷尬避開話題，沒有回答，只答係一家人去旅行，之後便匆匆入閘，在等候助手期間，Edan兩度向禁區外的粉絲揮手道別。不過，傳媒守候多時卻不見Edan嘅家人現身，估計刻意跟Edan前後腳入閘，避開鏡頭。據知，今次巴黎旅程除有Edan家人外，同行仲有幾位親友，生日旅程十分熱鬧。
入閘後跟fans揮手道別，好親切。
呂爵安獲30多位「爵屎」到場送機 。
呂爵安逆市豬籠入水豪請家人歐遊。
置身商務候機室的Edan急不及待在社交網開心Share，他上載了幾張候機室內等候的照片，並留言「第一次去歐洲、第一次去巴黎、第一次去巴黎時裝周、第一次坐商務客位、第一次請屋企人去旅行，以及第一次在外地過新年及生日。」他更表明，將會不斷更新這次旅程的狀況。
置身商務候機室開心share。
Edan第一次在外地過新年及生日。
第一次請屋企人去旅行。
姜濤去年都請過媽咪去歐遊。
粉絲在法國機場捕獲姜濤與媽咪、姨媽。
唔知Edan有冇請埋妹妹。
舞台上表演者壓力咁大，去旅行係最佳減壓方法。
呂爵安出歌《飄流教室》，由柏安妮女兒許恩怡擔任MV女角。
毛舜筠(毛姐)、談善言、謝君豪、呂爵安去年拍電影《過時‧過節》。
