「Do姐」鄭裕玲昨日(21日)在商台開咪時宣佈不再與無綫續約,還公開尋找合作機會。鄭裕玲在開咪時,不時會講到無綫昔日往事,日前她《口水多過浪花》與林奕華對談的環節,提到過往做司儀期間,與男司儀的軼事時,提到1989年墮樓身亡的鍾保羅。鄭裕玲對鍾保羅讚不絕口說:「佢係一個好好嘅司儀,記得晒所有嘢,如果唔係出咗事,佢係接何守信個位。」又大讚對方專業:「有啲人懞懞哋唔知流程,但佢記得好清楚,又有幽默感,又顧柏檔。」
【相關閱讀】:鄭裕玲確認離巢TVB 效力44年早已想「唔續約」:3年疫情有改變
【點擊睇鄭裕玲與鍾保羅多次合作】:
鄭裕玲日前與林奕華在《口水多過浪花》提到與鍾保羅的往事,大讚對方專業,更指對方有機會接何守信的位羅。
鄭裕玲憶起33年前,接到鍾保羅死訊的一刻正在做節目,當時感到相當驚訝:「聽到呢個消息真係好sad,佢好後生。當時《歡樂今宵》監製吳雨去咗現場,第二日佢講返個情況畀我哋聽,都係唔開心,佢好有潛質,又後生,個樣又好。」鄭裕玲更指事前並完全不察覺對方有異樣。