![](https://media-proc.singtaousa.com/photo.php?s=https://media.singtaousa.com/wp-content/uploads/master/2022/10/2022102211254554407.jpg&f=jpeg&w=815&q=75)
過去數年疫情嚴重,高峰期市民減少外出,造就了網上購物的蓬勃,但若物品易碎,搬運便構成風險。有屯門街坊拍攝到一間集運公司的送貨工人卸貨時,豪不愛惜貨品,竟站在貨車卡板上凌空將大件細包的貨物拋到地上,完全妄顧物品的完整性及行人的安全。有網民睇片後大感嘩然,直呼終於明白「點解啲嘢會爛晒」,並揚言「永不錄用」該集運公司,但亦有人接受現實,認為有關情況實屬普遍。
有網民周一(17日)於facebook群組「淘寶開心share」上載有關片段,拍攝時間是清晨6時半,一部貨車泊在屯門藍地大街,與行人路相距一條行車線,只見貨車內堆滿大盒細盒的貨物,送貨工人就站在貨車卡板上,將貨車內的包裹搬出,然後凌空隔着一條行車線,像「擲鐵餅」般狠狠將貨物飛到行人路上,再由另一名工人將包裹搬回商鋪內,看得人膽戰心驚。
![工人站在貨車卡板上逐一搬出貨物。網上截圖](https://image.hkhl.hk/f/1024p0/0x0/100/none/5aeb663ffc397f23bde6bba3f8e1838d/2022-10/6_84.jpg)
工人站在貨車卡板上逐一搬出貨物。網上截圖
片主直言早已留意到有關情況,「佢哋每次都係咁,木箱都照丟」,故特意詢問是那間集運公司,希望能避開。
片段流傳後引起網民莫大回響,「呢啲咁嘅做嘢態度,應全行封殺」、「太唔專業了」,又指不敢再使用該集運公司,亦有人笑言若包裹夠重就不怕被掉,「下次淘張梳化落嚟,睇佢點扔」、「集體淘啞鈴畀佢丟」。
不過有網民則指情況見慣不怪,無謂大驚小怪,「大陸啲速遞都係同你咁掟,其實唔驚得咁多」、「做人唔好太天真,就算邊間貴嘅運輸都一樣係咁掉」,亦有人指賣家包裝得好與否都有責任,而且淘寶發貨路程較遠,「總之太貴又易碎不會淘」。