2015年港姐季軍郭嘉文（Karmen），雖然常被外界認為唔使憂，但其實私下非常貼地又慳家，亦不會於IG瘋狂炫富。日前一名化妝師於小紅書上載一條Karmen的短片，久未公開露面的Karmen狀態極好，容光煥發。據該化妝師透露，Karmen是為了更換身份證而找專人化妝，更留言稱：「Karmen這麼美行嗎？」明星找專人化妝拍證件相其實好平常，但Karmen身穿的小背心就顯出她慳家一面，其實這件小背心，Karmen於2年前晒慶生相就分享過，網民都大讚她節儉。
另外，日前Karmen的好姊妹林凱恩（Iris），就分享與Karmen外出歎美食的照片，但二人並非到酒店下午茶，而是歎酸菜魚，仲見到有不少辣椒，似乎二人都好食得辣。Iris於限時動態留言：「人生得一知己於願足矣，不需太花巧，就相知相愛已經很珍貴。」可見二人的好交情。
郭嘉文日前被一名自稱星級化妝師的網民公開短片。
郭嘉文2年前都着過同一件小背心開生日派對。
一件小背心着2年，都幾慳家。
林凱恩晒出郭嘉文近照。
睇嚟佢哋好食得辣。
（左起）林凱恩、鄺潔楹、郭嘉文勁好朋友。
