肥媽20歲餅印大孫女曝光 西方面孔講流利廣東話

肥媽(Maria Cordero)的大孫女最近由英國返港,肥媽帶乖孫去飲茶,並拍片一齊出鏡。肥媽寫道:「我個大孫女返咗香港,幾年無見,真係好耐無見喇,孫女話想飲茶,特登帶佢去,食佢鍾意食的點心。」片中見肥媽笑到見牙唔見眼,一開始就拎住條孫女送贈的絲巾炫耀一番,大笑說:「真係好溫暖呀!」肥媽透露大孫女是「老五大女」,今年20歲。雖然大孫女擁有西方面孔,但操得一口流利的廣東話,並遺傳了肥媽的曲髮、大眼睛和燦爛笑容,嫲孫如同餅印好似樣;有網民讚大孫女有明星相,具潛力參加香港小姐。

 

而幫手拍片的黑妹姐表示見到肥媽的孫女便覺得自己好老,肥媽與孫女一唱一和,肥媽說:「我哋姊妹嚟㗎」,孫女接着說:「嫲嫲好young!」肥媽笑言黑妹可以跟孫女一齊去蒲,好玩得。肥媽更透露大孫女好孝順,不時會到爸爸的餐館洗碗,令她非常心疼,孫女即急忙解釋:「係打hockey(曲棍球),OK啦。」

 

收到孫女送嘅絲巾,甜在心頭。

肥媽真係笑到見牙唔見眼。

見到孫女隻手粗晒,好肉赤。

肥媽曾做2020年港姐冠軍謝嘉怡嘅港姐提名人。

 

星島新聞集團慶回歸25周年專題網站,請即瀏覽

即時娛樂