MIRROR於表演中段，再度全體總動員出場合唱《12》和《神隊友》，更玩親切的邊唱邊繞場一周與觀眾近距離接觸，又不忘施冧招大派心心。其後楊樂文(Lokman)與邱傲然 (Tiger)在台上鬥鼓，一輪激鬥後，邱士縉( Stanley)與柳應廷（Jer）拿著結他加入戰圈，搖身變Band友大Rock一番，引得觀眾high爆站起身！
以黑色西裝Look現身的呂爵安(Edan）出場自彈自唱《E先生連環不幸事件》時，竟然人如其歌，皆因其鋼琴突然沒聲音，不過Edan亦好醒目，站起來自轉兼在台上向觀眾揮手，之後全場歌迷亦一起大叫「Edan」為他打氣，由於在短時間未能修復鋼琴，故Edan笑言：「咁畀個出場我，益咗我！」之後自言想搞棟篤笑好耐的他，「唔客氣」在台上與觀眾傾偈之餘，更笑指今晚一定是12場中最好睇的一場，因為之後應該也不會發生這些意外，而當鋼琴調好音後，Edan又笑指要「Chok返偶像feel」，之後彈唱出《E先生連環不幸事件》。
而論最觸目的組合，非「登神CP」莫屬！當Edan彈琴演唱後，作為好拍檔的Anson Lo 不讓Edan孤單，出場以黑白形式與Edan合體彈奏鋼琴兼對唱《My Apple Pie》，唱畢二人拍住跳唱《Elevator》和《Megahit》，Edan對Anson Lo笑謂：「好開心邀請到盧瀚霆跟我跳舞。」Anson Lo 也不示弱，隨即神回：「嘩！呂生講呢啲呀！」
鋼琴突然壞咗冇聲。
好彩Edan 識搞氣氛。
「登神CP」合體。
隔住張相都聽到歡呼聲。
睇動作都知唱緊咩歌。
同Anson Lo 黑白對唱。
Alton 同一班女舞蹈員勁歌熱舞。
Stanley 同姜濤。
大合唱。
星島新聞集團慶回歸25周年專題網站，請即瀏覽
