孫慧雪自爆遭前外傭誣衊 見新工斥舊僱主亂炒人

孫慧雪早前在社交網大爆只工作了兩星期的外傭姐姐七不思議事件,當中包括姐姐多次去男友家過夜不回家、推窗落街、到達首日便失蹤、醉酒夜歸等,最後雪雪在忍無可忍下,終於來個了斷,怒炒外傭,不過極品姐姐竟厚著面皮問雪雪拎推薦信。

 

孫慧雪早前大爆外傭姐姐「七不思議事件」。

 

外傭姐姐成日唔返屋企。

 

昨天(29日)事件再有新發展,雪雪在社交網表示繼續請大家食花生,她分享了極品姐姐去見新工的經過,並寫道:「老公話請大家繼續食花生,真係好癲,今日極品姐姐去見工,咁啱見中老公嘅朋友,世界真細小,呢位朋友開頭問佢,點解你兩星期就畀人解僱咗,佢謊稱話,我都唔知點解呀,Agent話我知呢個太太成日亂咁解僱工人,所以佢已經被人blacklist,搞到要用老公名請姐姐!跟住佢拎咗封解僱信出嚟,話你睇吓,信上面冇寫原因㗎!然後佢繼續話自己好內向,放假唔出街,今次仲話自己同老公好恩愛!呢位朋友都超醒,佢見到封信上有我老公個名,即刻WhatsApp問點解唔用呢位姐姐!最後朋友同佢講,但你香港有男朋友喎!又唔返屋企,你走啦!跟住佢好尷尬咁走咗!提提大家,佢話喺Apps度約見㗎!P.S.呢位朋友仔老公係外國人,姐姐果然係想打外國人工!」雪雪在留言表示:「點解佢可以講咁多大話?」不少網民留言強烈要求列這位姐姐入黑名單。

 

外傭姐姐近日見新工,撞着孫慧雪老公個外國朋友。

 

孫慧雪被前外傭姐姐稱亂炒人。

 

星島新聞集團慶回歸25周年專題網站,請即瀏覽

即時娛樂