MIRROR人氣王姜濤昨晚（24日）現身機場起程往美國，有指他此行去當地拍劇，預計逗留兩星期。姜濤到機場時獲半百姜糖（fans暱稱）送機，不過他全程表現甚cool，但入閘後不忘跟大家揮手Bye Bye。而飛機起飛前，姜濤更在機艙內開Live，但全程封嘴，只專心睇姜糖留言以及整頭髮、飲水等，最後姜濤仲用左手和右手自己玩「包剪揼」及做了幾個MIRROR團歌《Innerspace》手勢，最後要起飛先捨得Bye Bye！
昨日有近半百姜糖在香港機場送機。
全程表現甚cool。
在新加坡機場時判若兩人。
你睇佢笑得幾開心。
姜濤所坐的航班並非直航，他晚上抵達新加坡轉機，空檔期間又再於社交平台拍片慰姜糖，只見他換上有帽衛衣輕鬆好多，同行工作人員問姜濤感覺如何，他即舉起手指公表示：「終於可以自由行街，巧Hi仙（好開心）呀！」工作人員又叫姜濤大聲講出自己是誰，他即謂：「我係姜濤！」不過其實也只是細細聲。接着姜濤更向鏡頭興奮地跳起及舉V字手勢，雖然戴上口罩，但仍感受到他笑得相當開心，之後他又扮被追訪左閃右避地迴避鏡頭：「唔好影！唔好迫！」果然有得離開輕鬆一下，心情即時靚爆。
仲忍唔住舉V字手勢，幾cute。
又扮被姜糖追住嘅情景。
片段留言謂自以為自己是明星，真搞笑。
不過一眾姜糖都係想佢快啲返嚟香港。
更多最新疫情資訊，請到以下專頁瀏覽 按此
