台劇《華燈初上》嘅製作人及女主角林心如今日46歲生日，好多人等緊《華燈》第三季，有指2月初有得睇。好多圈中人都係《華燈》Fans，最近由內地返港過年嘅舒淇都係「燈迷」，之前已經出Po串劇中飾演警察成哥的楊佑寧查案太慢，「查了兩季兇手是誰都不知道」，識笑真係幾好笑。
成哥真係查足兩季都未查到邊個係兇手，但佢劇中好有型。
因為知道林心如係製作人，所以舒淇出Po賀老友生日快樂之餘亦順便催吓老友，「Rose麻麻 ??? 生日快樂喔? 心想事成 平安喜樂❤️ 啦必U ???話說第三季能不能快一點出啊～」多謝舒淇為一眾「燈迷」發聲。
最後林製作人收到祝福表示謝謝親愛的，仲引埋蘇媽媽楊謹華出嚟賀壽，好熱鬧呀，不過咁即係第三季幾時出啫?
林心如同舒淇Friend咗好多年。
蘇媽媽同Rose媽媽，如果劇中加埋舒淇就一流嘞。
舒淇為「燈迷」發聲。
林心如、舒淇同徐若瑄。
《華燈初上》一及二季已上架，兩季一出即登上Netflix排行榜第一位。
立即下載 | 全新《星島頭條》APP : https://bit.ly/3yLrgYZ
